Elordada eŋ üzdık audanǧa berıletın «Bäiterek» syilyǧy bar. Säbila Mūstafina basqarǧan kezde būl aituly marapatty Saryarqa audany ekı ret aldy. Keiın ol Esıl audanyna äkım bolǧanda «Bäiterek» ainalyp osy audandy tapty. Būl közdegen maqsatyna jetpei tynbaityn, köp basşylar jüreksıne bermeitın kürdelı ısterge bılek sybana kırısıp ketetın täuekelşıl äkım Säbila Saparqyzynyŋ tıkelei eŋbegı häm jetıstıgı deuge bolady.
Säbila Mūstafinanyŋ ömırbaianyn paraqtap otyrsaq, onyŋ qai ıste de köşbasşy bolǧanyn baiqaisyz. Mektepte oquşylardyŋ aldy bolyp, «Altyn medalmen» bıtırdı. Al universitettı qyzyl diplommen aiaqtady. Memlekettık qyzmette jürgen ūzaq jyldardyŋ ışınde er azamattardan qalyspai eŋbek etıp, bäsekege qabılettı, ısker basşy retınde özın körsete bıldı. Baiyrǧy astanalyqtar da, ärıptesterı de Säbila Saparqyzyn er mınezdı, qaisar jan retınde jaqsy bıledı.
Onyŋ pıkırınşe, äkım bolu – naǧyz äielge tän qyzmet. Sebebı, özdıgınen şeşım qabyldai alatyn lauazymǧa äieldıŋ sezımtaldyǧy, näzıktıgı köbırek qajet. «Britandyq äigılı saiasatker Margaret Tetcherdıŋ «eger bır ıstı ädemı jasaǧyŋyz kelse, ony äielderge tapsyr» degen qanatty sözı bar.Äiel zaty kez kelgen ıstı jauapkerşılıkpen atqara bıledı. Onyŋ tabiǧaty, äsırese, äleumettık salaǧa beiım. Jūrtşylyqty köbıne äleumettık mäseleler tolǧandyrady. Sol sebeptı äkım bolu – näzık jandylardyŋ qolynan keletın şarua» deidı özı. Ol äkım retınde aldymen osy salaǧa den qoiady. Aitalyq, audan aumaǧynda qandai da bır tötenşe jaǧdai bolsa, Säbila Mūstafina bırden «zardap şekkender bar ma?» dep sūrar edı. «Materialdyq şyǧyndardy qalpyna keltıruge nemese qaitaryp aluǧa bolady. Al adam ömırın eşqaşan qaitara almaisyŋ. Maǧan eŋ maŋyzdysy – tūrǧyndardyŋ amandyǧy» deidı audan äkımı.
Säbila Mūstafinanyŋ balalaq şaǧy, jastyq kezeŋı Astanada öttı. Alǧaşqy qyzmet baspaldaǧy da osynda bastaldy. Özıne etene tanys, äbden bauyr basyp ketken Saryarqa audanyn ol 2006 jyldan bastap bes jyl qatarynan basqarǧanyn el jaqsy bılse kerek. 2011 jyldan bastap, Esıl audanyna äkım bolyp taǧaiyndalǧan ol ekı audannyŋ arasyndaǧy jer men köktei aiyrmaşylyqty sezıngenın aitady. «Esıl audany būryn äkımşılık ortalyq retınde salynǧan bolatyn. Tūrǧyn üiler sodan keiın boi kötere bastady. Alǧaş tırşılıgı sapyrylysyp jatatyn Saryarqa audanynan osynda kelgende mülgıgen tynyştyqqa tap bolǧandai küi keştım. Adamdar mūnda kündız tūrmaityndai elesteitın. Keiın aulalar salyp, tūrǧyn üiler köbeigen kezde tırşılık auany sezıle bastady. «Bız – esıldıktermız» degen auradaǧy jaǧdai endı jandanyp keledı» deidı ol.
Säbila Mūstafinanyŋ mınezı de erge tän. Bıraq barlyq närsenıŋ ret-retımen tūrǧanyn jaqsy köredı. Josparǧa alǧan jūmystaryn qaǧazǧa qattap jazyp otyrady. Olardy mümkındıgınşe qolma-qol şeşıp tastauǧa tyrysady. Al uaqytty qajet etetın, tıkelei özınıŋ qolyndaǧy şaruasy emes dünielerdı qaǧazǧa türtıp, jūmys üstelınıŋ üstıne qattap qoiatyn ädetı. Köz aldynda tūrǧannan keiın ol mäseleler bırjaqty bolmaiynşa keiıpkerımızde tynyştyq joq.
Säbila Mūstafina äiel adam bolyp, sylanyp-boianudy ūnatpaidy. Esesıne, jasaǧan taǧamy tıl üiıredı. Äsırese, Säbila Saparqyzynyŋ duhovkada baptap äzırlegen balyq etınıŋ dämın tatqan da, tatpaǧan da armanda. Ol qanşa jūmysbasty bolsa da otaǧasy Baǧdat pen ūly Arystanbektı ystyq tamaqsyz qaldyrǧan emes. «Keide qulyqqa basyp, erteŋgı tamaqty keşkısın äzırlep ketetınım bar, – deidı külıp Säbila Saparqyzy. – Menıŋ jeke aspazym joq. Ūstaǧan da emespın. Ärı bızdıŋ üidıŋ jıgıtterı böten qoldan äzırlegen taǧamdy jegendı asa ūnata bermeidı».
Säbila Mūstafinanyŋ ūly qazır İspaniiada oqyp jatyr. «Mama, İspaniiada adamnyŋ ömır süruıne qolaily köptegen jaǧdai bar. Bıraq uaiymdamaŋyz, oquymdy bıtırgennen keiın Qazaqstanǧa oralamyn. Öz elımde jūmys ıstegenge ne jetsın deidı qūlynym. Balamnyŋ boiyna tuǧan elıne degen patriottyq sezımdı ūialata alǧanyma sondai quandym» deidı keiıpkerımız. Säbila Saparqyzynyŋ ūly da, qyzy Dinara da aǧylşyn tılınde erkın söileidı. Al nemerelerı Tomiris pen Temırlan bolsa, qazaq, orys tılderımen qatar, türık, aǧylşyndy da erkın meŋgergen.
– Menıŋ pıkırımşe, kez kelgen merekenıŋ – tärbielık sipaty bar. Bızdıŋ otbasylyq dästürımızde meiramdardyŋ bärınde aldymen ülkenderdı qūttyqtaudan bastaimyz. Joldasymnyŋ jäne menıŋ jasy ülken aǧa-apalarymyz bar. 8 nauryzda nemerelerımızdı ertıp alyp, aldymen solardy quantyp, merekesımen qūttyqtap şyqpaqpyz, – deidı ol.
Jūrtşylyqqa äkımderdıŋ, lauazymdaǧy jandardyŋ problemasy joqtai körınetını ras. Säbila Saparqyzynyŋ aituynşa, äkımder de et pen süiekten jaralǧan, olardyŋ da bır basynda qiyndyqtary, problemalary bolady. Ol şarşaǧan kezde bır sät filmder körgendı ūnatady eken. «Joldasym rejisser bolǧannan keiın kinotuyndyny taldap, tapqyr frazalary bolsa, qaǧazǧa türtıp otyrǧandy jaqsy köremın» deidı äkım.
Säbila Saparqyzy – biliard oinaudyŋ şeberı. Osy oiynda talai er azamatty jolda qaldyrǧany bar. «Keide joldasym ekeumız biliard oinaimyz. Ondai kezde: «Bäke, senı qatty syilaitynymdy özıŋ de jaqsy bılesıŋ. Bıraq būl oiynda dostastyq joq. Ūtu men ūtylu ǧana bar deimın» deidı.
Säbila Mūstafina qol astyndaǧy qyzmetkerlerıne özınıŋ ūly men qyzyndai qaraitynyn aityp qaldy. Ūjymda jyly atmosfera qalyptasyru, qyzmetkerlerın qoldap-qorǧap, olardyŋ bılmegenın üiretıp, özı de olardan üirenıp otyru – onyŋ negızgı ūstanymdarynyŋ bırı.
Kez kelgen adamdy tanu üşın onymen bır sät äŋgımelesıp, ışkı jan düniesıne enu kerek. Bız būryn Säbila Saparqyzyn audan äkımı retınde tanyǧanymyz bolmasa, bıtım-bolmysyn bıle bermeidı ekenbız. Äŋgımelesu barysynda ol kısınıŋ jıgerlı, ruhy biık jan ekenıne köz jetkıze tüskendei boldyq.
astana-akshamy.kz
