Juyrda Nūr-Sūltan qalasynda Balalar jylyna orai balalardyŋ şyǧarmaşylyǧy körmesı öttı. Onda 2 jastaǧy säbiden bastap kolledj studentıne deiın qolymen jasalǧan dünieler qoiyldy.
2 jastaǧy säbi myna surettegı japyraqtardy öz qolymen jasaǧan, al şyrşany 3 jastaǧy büldırşın jasaǧan, plastilinmen jūmys ıstegen 4 jastaǧy bala. Daiarlyq tobyndaǧy balalar pışınderdı (figuralar) pedagogtarmen bırlesıp jasaidy. Mūndai dekorasiialar barlyq balabaqşalarda bar, osy jūmystardyŋ negızınde multiplikasiialyq dünieler jasauǧa äbden bolady.
«Osyndai dekorasiia men montajdau negızınde balalardyŋ özderınıŋ oilap tapqan ertegılerın tüsırıp, pedagogtar ekranǧa şyǧaryp, bırge tamaşalaidy, balalar özı jasaǧan dünielerınıŋ multiplikasiialyq önımge ainalǧanyn ekrannan körıp mäz bolady, iaǧni eŋbegınıŋ jemısın osylaişa köru arqyly motivasiia alady» deidı №84 balabaqşanyŋ meŋgeruşısı Balausa Töleuǧaliqyzy.
Pedagogtar özderınıŋ şyǧarmaşylyq jūmysyn qalalyq, respublikalyq deŋgeide qorǧaidy, balaǧa da öte paidaly, tūlǧalyq ösuıne kömektesedı, ärı jetıstıkterımen ata-anasyn da quanta tüsedı.
2012 jyldan berı balabaqşanyŋ üş tılde «Saiabaqqa saiahat», «Kırpınıŋ ormanǧa oraluy» ertegı men multiplikasiialyq filmı jaryq kördı. Būl ertegıler – balany tabiǧatty aialauǧa, qorşaǧan ortaǧa qamqor boluǧa ündeitın, balanyŋ oi-örısın damytatyn ädıstemelık keşen.
Ertegı – ärı tärbielık, ärı körkem-estetikalyq ǧajaiypqa toly, bala tılıne jatyq, säbidıŋ jüregıne jol tauyp, balany oilandyratyn tuyndy. Sondai-aq ol ertegınıŋ mazmūnyn baiytyp, balanyŋ este saqtau qabıletın damyta tüsedı.
Jalpy, multiplikasiialyq filmdı şyǧaru kezeŋderı bırneşe kezeŋnen tūrady. Būl balalardyŋ şyǧarmaşylyq qabıletın, kreativtı oilau taktikasyn, komandalyq jūmys nätijesın köru, qazırgı zaman talabyna sai daǧdylaryn qalyptastyru jäne öz äreketın basqara bıluge baulu: balalar siujet oilap tauyp, äŋgıme qūrastyrady, qūrastyrylǧan siujet boiynşa materialdar daiarlaidy, siujet jelısımen multfilm tüsırıledı.
Osy körmede konferensiia qatysuşylary B.Qaiyrǧalievanyŋ avtorlyq jūmysymen tanysyp, şeberlık sabaqty tamaşalady.
– Körmede jasöspırım balalardyŋ, kolledj studentterınıŋ özderı jasaǧan būiymdary qoiyldy. Qoǧamdyq tamaqtandyru jäne serviz kolledjı mūnda kiımderdı tıgu jäne ülgıleu degen mamandyq bar, sol boiynşa tehnolog kvalifikasiiasyna oqidy jastar, zakrujka modeler mamandyǧy bar. Biyldan bastap inkliuzivtı bılım berudı qolǧa alyp otyrmyz, – dedı kolledjdıŋ öndırıstık şeberı Nūrsūlu Matova.
Al orta arnauly oqu oryndarynda elektr jüiesıne qatysty tehnik-elektrik mamandyqtaryna qatysty öndırıstık oqu-jattyǧu poligondarynyŋ ülgılık maketterın körmege qoiǧan «ENERGY EXPERT» kompaniiasy myna problemalarǧa nazar audarady: tehnikalyq kolledjder men universitetter studentterınıŋ öndırıstık praktikasy jetkılıksız, salalyq ūiymdarda öndırıstegı qauıpsızdıkke kepıldık joq, ūiymdardyŋ täjıribesız qyzmetker üşın jauapkerşılıktı alǧysy kelmeuı jäne t.b. jaǧdailardyŋ boluy sebeptı öndırıstık praktikadan ötu üşın naqty jaǧdailarǧa barynşa jaqyndatylǧan öndırıstık jabdyqtary bar oqu poligonyn qūrudy ūsynady.
«Būl tehnikalyq mamandyqtaǧy studentterdıŋ qauıpsızdıgıne, öndırıstık praktikadan, ǧylymi jūmystar men täjıribeden, synaqtardan alaŋsyz ötuıne jaǧdai jasaidy. Onyŋ ışınde jasyl energetika boiynşa jel, kün jäne su energiiasy sekıldı jaŋartylatyn közderdı paidalanady» deidı kompaniia ekspertı Oljas Tūrmanov.
Nūr-Sūltan qalasyndaǧy Servis jäne turizm kolledjı de studentterınıŋ daiyndaǧan taǧamdary men susyndaryn keluşılerge ūsyndy.
«Astana Polytechnic» joǧary kolledjı körmede keluşılerge «Aqyldy üi» jobasyn ūsyndy.
– Būl «Jas maman» jobasy boiynşa oqu oryndaryn materialdyq tehnikamen jabdyqtauǧa bailanysty jürgızılgen jūmys ekenın atap ötken jön. Robototehnika, mehatronika, ūşyrylatyn kvadrokopterler de bar, – dedı öndırıstık oqytu şeberı Saǧyndyq Jantaev.
«Jas maman» jobasynyŋ artyqşylyǧy – eŋ qajettı mamandyqtarǧa basymdyq berıluı. Iаǧni qazırgı sūranystaǧy mamandyqtardy sapaly etıp şyǧaruǧa küş jūmsalatyn bolady.
Balalar eŋbek arqyly, özderın tärbieleidı, öitkenı tözımdılıkke, şyǧarmaşylyqqa üirenedı. Osy rette qalamyzda qosymşa bılım alatyn balalardyŋ şyǧarmaşylyǧyn damytuǧa barlyq jaǧdai jasalǧanyn, Oquşylar saraiynda köptegen jeŋıldıkter de qarastyrylǧanyn aituymyz qajet. Köpbalaly, az qamtylǧan t.b. otbasylar balalaryn tegın oqyta alady. Oquşylar saraiy tek Nūr-Sūltan qalasynyŋ balalary üşın ǧana emes, Qazaqstannyŋ barlyq balalarynyŋ şyǧarmaşylyq qabıletterın şyŋdauǧa jol aşuda.
Būl körmelerden balalar ǧana emes, pedagogtar de özıne qajettısın alady. Alǧan täjıribesın, üirengenın, tüigenderın özderınıŋ şäkırtterınıŋ boiyna sıŋıredı. Önerde, bılımde toqtap qalmau kerek, özgerısterden qoryqpaǧan dūrys. Bolaşaǧymyz jarqyn bolyp, osy balalardyŋ, jastardyŋ öskenın qalaimyz.
Gülşat SAPARQYZY
