REITİNG QUǦAN SAITTARDAN ŞARŞADYM
Dästürlı aidarymyzdyŋ bügıngı qonaǧy – estrada änşısı, «Muz TV» telearnasynyŋ arnaiy syilyǧy – «Qazaqstannyŋ üzdık jyl ärtısı» atalymynyŋ jeŋımpazy Qairat Nūrtas.
– Şynymdy aitsam, naqty sanamappyn. On jyl ışınde qanşa aimaqty araladyq. Sahna taŋdamadyq. Mädeniet üiı joq auyldardaǧy mekteptıŋ sport zalynda än aittyq. Ol kezdegı apparaturalar da qazırgıdei damymaǧan. Mikrofondar tek symmen jūmys ısteidı. Bır auylǧa konsert berdık, mikrofon toǧynyŋ qysqalyǧy sondai, sahnanyŋ ortasyna deiın jetpeidı. Äuelı halyq aldyna şyǧyp, amandasyp aldym da, sahnanyŋ bır şetınen syǧalap tūryp än aittym. Ekı-üş än bıtkenşe äreŋ şydadym. Jūrtşylyqty tolyq körıp, erkın qimyldai almaǧan öte qiyn. Menıŋ sol jaǧdaiymdy baiqaǧan körermenderdıŋ jany aşydy ma eken, «Qairat, mikrofonsyz-aq aita berşı, ortada tūryp» dep şulady. Aralaryndaǧy bır qyz «Än de aitpai-aq qoi, änşeiın ortada tūrşy» dep bärımızdı du küldırgen. Qazır bärı basqaşa, Allaǧa şükır.
– Osy jaǧynan Niuşaǧa özım de täntı boldym. Naǧyz talantty adam barlyq jaǧynan da qabılettı bolatyny ras eken, qazaqşa tıl syndyru oǧan eş qiynǧa soqqan joq. Aldyn ala kesıp aitpai-aq qoiaiyn, uaqyty kelgende özge şeteldık jūldyzdarmen duetımızdı köre jatarsyzdar.
– Estradamyzdyŋ damyp, menen basqa da bauyrlarymnyŋ elge tanylǧanyna eşqaşan qarsy bolǧan emespın. Ärkımnıŋ öz tyŋdarmany, Alla jazyp qoiǧan nesıbesı bar. Toi mäselesıne qatysty eşqandai özgerıs joq. Ärıptesterım «Eŋ joǧary gonorar – sende» dep jatady. Gonorar da sūranysqa qarai qoiylady.
– Tärbieleuşıler solai dūrys dep tapsa, eş qarsylyǧym joq. Olar pedagogikany meŋgergen mamandar ǧoi.
– Ärine, bar. Bıreu de emes, öte köp. Eŋ basty tılegım – elde beibıtşılık, tūraqtylyq mäŋgı saqtalyp, ūrpaqtarymyz baqytty ǧūmyr keşse deimın. Tynyştyq bolsa, barlyq armandarymyz öz uaqytynda aqiqatqa ainalaryna senımdımın.
– Şou-biznes – köpşılık oilaǧandai oŋai jol emes. Köptıŋ köŋılınen şyǧu üşın talmai talaptanyp, erınbei eŋbek etu kerek. Aiaqtan şalatyndar da, tasada tūryp tas atatyndar da köp. Sız aitqan oqiǧalar şou biznes älemınde bolyp tūrady. Degenmen, qūqyqtyq, täuelsız, beibıt elde ömır sürıp jatqandyqtan, bır adamnyŋ bostandyǧyn basqa adam şektei almaidy.
– Orynsyz syn men ösek-aiaŋ menen būryn anamnyŋ jüregıne qattyraq batady. Kez kelgen ana solai qabyldar edı. Al negızı, bärınıŋ auzyna qaqpaq bola almaisyŋ. Köpşılıktıŋ adamy bolǧan soŋ, ondai jaǧdaiǧa män bermeuge tyrysamyn. Alaida, men jaily şyqqan jalǧan aqparat jastardyŋ tärbiesıne, tyŋdarmannyŋ tüsınıgıne kerı äser etpese deimın. Soŋǧy uaqytta reiting quǧan saittar ılıkten bülık şyǧaryp, qisynsyz dünielerdı jazyp jatady. Qitūrqy taqyryptardy qoiyp, eldıŋ şatasuyna sep bolady. Joq jerden sensasiia jasaǧysy keletın siiaqty. Osy tūsta jurnalister qauymy tek reitingtı emes, adamgerşılıktı de oilasa eken. Men de pendemın ǧoi. Keide dostarymnyŋ arasynda emın-erkın otyrǧym keledı. Sol sättı paidalanyp, ūialy telefonǧa tüsırıp alyp, taratyp jıberetınder de bar. Soǧan qarnym aşady.