Elorda äkımınıŋ orynbasary Baqtiiar Mäken medisinalyq ūiymdardyŋ basşylarymen kezdesu ötkızdı. Jiyn barysynda qaladaǧy epidemiologiialyq ahual men densaulyq saqtau mekemelerınıŋ mäselelerı talqylandy.
Densaulyq saqtau basqarmasy basşysynyŋ orynbasary Äliia Rüstemovanyŋ aituynşa, bügınde qaladaǧy epidemiologiialyq jaǧdai tūraqty. Dese de qazır Nūr-Sūltan – «sary» aimaqta. 7 qaraşadan bastap auru körsetkışınıŋ kün saiyn 0,3 paiyzǧa ösuı baiqalady. Oǧan 8 auruhana qamtylǧan, qazır 318 adam ornalasqan. Onyŋ 193-ı (35%) – jūqpaly aurularda, 125-ı – karantinde.
Qalada KVİ-ge biomaterialdardyŋ synamalaryn aluǧa arnalǧan 16 zerthana bar. Olardyŋ jalpy quattylyǧy – künıne 11 myŋnan astam zertteu. Sonymen qatar bügınde auruhanalar 100 paiyz İVL apparattarymen qamtamasyz etılgen. Därıhanalarda därı-därmekterdıŋ ekı ailyq qory bar.
6 qazan men 2 jeltoqsan aralyǧynda 257 reis, 31 436 jolauşy qabyldandy. Sonyŋ ışınde 4387 adam karantindık auruhanaǧa jatqyzyldy, 18-ınıŋ nätijesı oŋ.
Nūr-Sūltan äkımınıŋ orynbasary ındettıŋ taraluyn boldyrmauǧa baǧyttalǧan şaralardy jalǧastyru qajettılıgıne nazar audardy. Emhanalar basşylyǧyna qyzmetkerler men pasientterdıŋ sanitarlyq-dezinfeksiialyq talaptardy saqtauy, jeke qorǧanys qūraldarynyŋ qoldanyluyna qataŋ baqylaudy qamtamasyz etu, nauqastardyŋ kündelıktı aǧynyn dūrys bölu, pnevmoniiaǧa küdıktı nauqastardy jedel türde kompiuterlık tomograf pen keude quysynyŋ rentgenogrammasyna jıberu tapsyryldy.
Sondai-aq qaşyqtan keŋes beru qyzmetınıŋ sapasyn arttyru men emdeluşılerdıŋ emhanalarǧa keluın azaitu mäselelerı kün tärtıbıne qoiyldy. Mobildı toptar men polisiia bölımı oiyn-sauyq mekemelerınde, sauda ortalyqtarynda, dükender men bazarlarda sanitarlyq qauıpsızdık pen sanitarlyq talaptardyŋ saqtaluyn baqylaudy küşeitedı.
