Astanada saqaldy qūrylys nysandarynyŋ mäselelerın şeşude jüielı jūmys jürgızılude. Äkımdıkte «Nūrly jer» tūrǧyn üi baǧdarlamasynyŋ ülestık qūrylys jobasy boiynşa salynatyn nysandardyŋ mäselelerı qaraldy.
Ötken jyly qala äkımı Äset İsekeşev «Nūrly jer» baǧdarlamasy boiynşa elordadaǧy problemaly nysandardy retteu jönınde bastama kötergen bolatyn. Soǧan orai nesielık qarajat esebınen kürdelı tūrǧyn üi qūrylysy jobalaryn aiaqtaudy qarjylandyru, qūrylys jūmystaryn üilestıru jäne baqylau maqsatynda Astana qalasy äkımdıgıne qarasty «Elorda qūrylys kompaniiasy» JŞS-tıŋ uäkılettı ūiymy qūrylǧan-dy. Jalpy, jürgızılgen jūmystardyŋ nätijesınde zaŋǧa säikes qūrylystyq käsıporyndardyŋ nemqūraily qūryltaişylary zaŋ boiynşa jauapqa tartylyp, qūrylys alaŋdary «Elorda qūrylys kompaniiasy» JŞS uäkılettı ūiymyna berılgen bolatyn. Mysaly, «Şyǧys» tūrǧyn üi toby 3A, «Şyǧys» tūrǧyn üi toby 3B, «Jaǧalau-3» blogy, «Jaǧalau-4» blogy syndy problemaly nysandar qalpyna keltırıldı. Mamandardyŋ mälımetınşe, qazırgı uaqytta «Nūrly jer» baǧdarlamasy boiynşa salynatyn 36 nysannyŋ 27-ı tūrǧyn üi keşenı bolyp otyr. Äkımdık tarapynan qarjylandyru mäselesın şeşu joldary qarastyryluda.
Sonymen qatar, aǧymdaǧy jyldyŋ 12 şıldesınde «Elorda qūrylys kompaniiasy» JŞS tūrǧyn üi-qūrylys kooperativımen bırlesıp, «Baspana Köktal» men «Mirnyi dom» tūrǧyn üilerınıŋ qūrylysyn aiaqtau jönınde bırqatar memorandumǧa qol qoiylǧan bolatyn. Jiyn barysynda mamandar būl jūmystyŋ älı de qarqyndy türde jürgızıletının jetkızdı.
