Qalaǧan emhanaǧa qaralyŋyz

Elımızde 2018 jylǧy 15 qyrküiekten 15 qaraşaǧa deiın azamattardy bastapqy medisinalyq-sanitarlyq kömek körsetetın densaulyq saqtau subektılerıne, iaǧni emhanalarǧa tırkeu bastalady.

Ärbır azamat özınıŋ qalauy boiynşa kez kelgen emhanaǧa tırkelıp, qyzmet türlerın ala alady. Eskeretın jait, emhana taŋdau barysynda sanaly türde şeşım qabyldap, onyŋ üiıne, jūmys ornyna jaqyn nemese özıne qolailylyǧyna nazar audaruy şart.
Emhanaǧa tırkelu üşın äleu­mettık medisinalyq saqtandyru qorynyŋ qyzmet körsetuşıler tızımınen emhanany taŋdau qajet. Atalǧan tızım Qordyŋ fms.kz saitynda ornalasqan. Taŋdau jasalǧannan keiın azamat ūiymnyŋ tırkeu bölımıne jeke kuälıgımen kelıp, bas därı­gerdıŋ atyna ötınış jazuy qa­jet. Emhanaǧa tırkelu barysynda ötınış qabyldanbaityn jaǧdailar bolady jäne olardy tüsınıstıkpen qabyldaǧan jön.
Bırınşıden, bır därı­ger­ge tırkelgen adam sany ekı myŋnan asyp ketken jaǧ­dai­da, ötınış jazǧan azamat medisinalyq qyz­met kör­­­setu aimaǧynan tys jerde tūryp jatqan bolsa, onyŋ ötınışı qabyldanbaidy. Al osy medisinalyq ūiymǧa qa­raityn äkımşılık uchaskesınıŋ tūrǧylyqty tūrǧynynyŋ ötı­nışı eskerıledı.
Ekınşıden, emhananyŋ qyzmet körsetetın uchaskesınen tys au­maqta tūratyn adam üige därıger şaqyrtu qyzmetınen bas tartuǧa kelıspegen jaǧdaida, ol azamat däl osy emhanaǧa tırkeuge tūra almaidy. Öitkenı medisina mamandary der kezınde nau­qastyŋ üiıne kömek körsetu üşın berılgen uaqyt ışınde jaiau jetıp ülgermeidı.
Emhanaǧa tırkeludıŋ ekınşı joly – onlain tärtıpte, egov.kz portaly arqyly. Ol üşın azamattyŋ elektrondyq sifr­lyq qoltaŋbasy bolǧany jet­kılıktı.
Qazaqstanda tūraqty tūryp jatqan şetel azamattary men azamattyǧy joq tūlǧalarǧa keletın bolsaq, olar emhanalarǧa kedergısız tırkele alady.
Azamattar basqa BMSK ūiy­myna tūrǧylyqty mekenja­iyn, jūmysyn, oqu ornyn auys­tyrǧanda, jazasyn öteu mer­zımı aiaqtalǧannan keiın, äskeri qyzmetın ötep bolǧannan keiın, alǧaşqy medisinalyq-sani­tarlyq kömek ūiymy qaita ūiymdastyrylǧanda nemese taratylǧan jaǧdaida, sonymen qatar, būrynǧy emhanadaǧy qyzmet sapasy köŋılden şyq­paityn bolsa, basqa emhanaǧa tırkele alady.
Esterıŋızge sala ketsek, ÄMSQ medisinalyq mekemelerdıŋ qyzmet körsetu sapasyn baǧalau maqsatynda «MSQ: Halyqtyq baqylau» mobildı qosymşasyn ıske qosqan bolatyn. Mobildık qosymşa azamattar üşın emhana taŋdau mäselesın edäuır jeŋıldetetını sözsız.
«Elordada kepıldendırılgen tegın medisinalyq kömek kör­setu aiasynda tūrǧyndarǧa 51 ūiym qyzmet körsetedı. Būl körsetkış aldyŋǧy jylmen salystyrǧanda edäuır östı» deidı Astana qalasy boiynşa «Äleumettık medisinalyq saqtandyru» qorynyŋ KEAQ filialy direktorynyŋ orynbasary A.Amangeldiev.

DEREK PEN DÄIEK

Astana qalasy Qoǧamdyq densaulyq saqtau basqar­masyna qarasty 37 medisi­nalyq mekeme jūmys ıstei­dı.

Jyl saiyn:
Elordada 30 000-ǧa juyq näreste düniege keledı.
Basqa aimaqtardan kelıp emdeletınder 65 000-nan asady.
Astanada emdelıp jatqan ärbır 3-şı nauqas qaladan tys jerde tūrady. Elordada ömır süru ūzaqtyǧynyŋ körsetkışı – 76,2 jas.

Elordanyŋ 20 jyldy­ǧynda tuu körsetkışı 2,3 esege östı
ölım deŋgeiı 2,8 esege tö­men­dedı
tuberkulezden ölım – 18,6 ese
miokard infarktısınen – 4,1 ese
ana ölımı – 11,8 ese
säbi ölımı 3,5 ese tömen­dedı.
2018 jyldyŋ bırınşı jartysynda qala auruhanalarynda 25 000-nan asa pasient emdeldı.
4 500-den asa ota jasaldy
tūrǧyndar jedel järdem qyzmetıne 190 000 ret jügındı
tegın därı-därmek 60 000-nan asa pasientke berıldı
217 000-nan asa adam bır­yŋǧai aqparattyq medisi­na­lyq call-ortalyǧyna jü­gındı.
«SMART Medisina» jobasy boiynşa 800 000-nan asa medisinalyq qūjattar elek­trondyq formatqa kö­şırıldı.
Astana tūrǧyndarynyŋ 93%-y elektrondy densau­lyq pasportyna ie boldy.