Aldaǧy uaqytta Astanada qylmyskerlerdı biometriialyq tanu arqyly anyqtauǧa bolady. Ozyq tehnologiianyŋ tiımdılıgı aldymen täjıribe jüzınde synalmaq.
Elordalyq poliseilerdıŋ aituynşa, bet älpetın säikestendıru arqyly adamdardy tanu ädısı joǧalǧan azamattardy tabuǧa, qylmyskerlerdı de ūstauǧa septıgın tigızbek.
– Biometriialyq tanu jüiesı adamnyŋ kım ekenın, qaşan jäne qaida barǧanyn foto arqyly anyqtaidy. Osyǧan bailanysty qazırgı uaqytta «Sergek» jüiesıne qatysty mäseleler qarastyryluda. Äzırge synaq satysynda täjıribe jürgızudemız. Jaŋa ädıs tiımdı nätije beru üşın eŋ aldymen adamdardyŋ soŋǧy fotolary bar bazany jaŋartamyz. Aitpaqşy, «EKSPO-2017» körmesın ötkızu kezınde jaŋa ädıstıŋ adamdardy qanşalyqty tanu jyldamdyǧyn tekserıp kördık. Ol kezde säikestık 65 paiyzdy qūrady. Ärine, biometriialyq tanu jüiesı adamdardy 100 paiyz anyqtaidy dep oilauǧa bolmaidy, öitkenı qalpaq kiıp nemese közıldırık taǧyp alatyndar bolady, – deidı Astana qalasy IID bastyǧynyŋ orynbasary Sabyr Jüsıpbekov.
Bügınde qala köşelerınde kün saiyn 1400 polisei men Ūlttyq ūlannyŋ äskerlerı qoǧamdyq tärtıptı qamtamasyz etedı. Jyl basynan berı 5 myŋǧa juyq beinebaqylaudyŋ kömegımen 500-den asa qylmystyŋ betı aşyldy. Onyŋ ışınde kısı öltıru, ūrlyq, tonau, alaiaqtyq, būzaqylyq tırkelgen.
«Eger qalta ūrlyǧy turaly aitar bolsaq, avtobusta jolauşylar köbeietın uaqytta ūrlyq ta küşeiedı. Äsırese, ūialy telefondar men gadjetter qoldy bolady. Köbıne temırjol vokzaly aumaǧy, bazar maŋaiy, iaǧni halyq iın tıresıp mınetın jerlerde jiı tırkeledı. Olar ūrlanǧan zattardy tauyp almas üşın ädeiı bölşektep satyp jıberedı. Keide aşyq alaŋdarda ötetın ülken konsertterge barǧanda är adam jeke zattaryna ie bolu kerektıgın eskertemız. Öitkenı tüsırıp alsa da, ūmytyp ketse de, bızge kelıp ūrlanǧany turaly şaǧymdanatyndar köp» deidı S.Jüsıpbekov.
Jalpy, biyl qala köşelerınde jasalǧan qylmystardyŋ sany 24 paiyzǧa tömendegen. Astana qalasy IID Jedel basqaru ortalyǧynyŋ kameralary, «Smart Siti» ziiatkerlık (onyŋ ışınde «Sergek»), «Qauıpsız aula», «Aqyldy qala» kameralary jol jäne qoǧamdyq qauıpsızdıktı baqylauǧa erekşe mümkındık beredı. Olardyŋ kömegımen biyl 45900 äkımşılık qūqyq būzuşylyq anyqtalǧan. Sonymen qatar, köşe qylmystarynyŋ aldyn alu, sondai-aq «ızın suytpai» aşu maqsatynda jaiau patruldık jasaqtardyŋ sany köbeitılgen.
