Elordanyŋ qoǧamdyq avtobustarynda bas qalanyŋ kartasy ädemı berılgen. Olardyŋ jürıp ötetın baǧyty men aialdamalary turaly aqparat jetkılıktı. Bır ättegen-aiy…
Avtobus kartasyna «Medisinalyq ortalyqtyŋ basqarmalardyŋ kliniko Aqtaudyŋ keşenı QR Prezidentınıŋ qal-jaǧdailarymen» degen atau qyp-qyzyl boiaumen jazylǧan. Taqyryp türınde jazylǧan söilem qyp-qyzyl qate. Būl karta tek avtobustarda ǧana emes, aialdamalarǧa da ılıngenın eskersek, sauatsyzdyq dertıne äbden etımız üirendı. Tek būl ǧana emes, köptegen qoǧamdyq oryndarda da jarnama maŋdaişasyndaǧy jazulardyŋ memlekettık tıldegı nūsqasynda qate örıp jüredı. Sebebı nede?
Kez kelgen mekeme nemese käsıporyn qandai da bır vizualdyq önımge tapsyrys bergende «Qazaqstan Respublikasynyŋ tılder turaly» jäne «Jarnama turaly» zaŋdaryn basşylyqqa aluy tiıs. Ökınışke qarai, käsıpkerler syrtqy jarnama mätınderın nemese vizualdyq aqparatty ornalastyru kezınde qalalyq Tılderdı damytu basqarmasynyŋ kelısımın almaidy. Mätındı memlekettık tılge audaru kezınde audarmanyŋ tüpnūsqasy köp jaǧdaida saqtalmaidy. Qazaq tılınıŋ stilistikalyq erekşelıkterı eskerılmei, mätınder tura maǧynasynda audarylady. Aqparattyq habarlar men jarnamalarda öreskel qatelerge jol berıletını de sondyqtan. Qala äkımdıgı Qazaqstan Respublikasynyŋ zaŋ normalaryna säikes kelmeitın tyiym salynǧan jarnamalar men maŋdaişa jazulardy anyqtau boiynşa jiı tekserıs jürgızedı. Zaŋ būzuşylyqqa jol bergenderge äkımşılık aiyppūl salynady. Soǧan qaramastan qoǧamdyq oryndarda qazaq tılındegı jazulardyŋ qatelıgınen köz aşa almai kelemız.
P.S. Künı keşe nömırı 12-şı avtobusta «Sarytoǧai» aialdamasyn «Sarytorǧai» dep habarlady. Konduktorǧa eskertıp edık, «men emes, radio solai habarlaidy» dep pysqyrmady. Jalpy, Jolauşylar kölıgı jäne avtomobil joldary basqarmasyna qatysty syn-pıkırler osy uaqytqa deiın aitylyp kelgen, älı de jalǧasatyn siiaqty…
Gülmira AIMAǦANBET
