Promyşlennyi kentınıŋ tūrǧyndaryna qyzmet körsetetın «Niet» otbasylyq densaulyq ortalyǧy №2 qalalyq balalar auruhanasyna köşıp, jaŋa ǧimaratta qonys toiyn atap öttı.
Osyǧan bailanysty «Niettıkterdı» qūttyqtap barǧan Astana qalasy Densaulyq saqtau basqarmasynyŋ basşysy Aigül Segızbaeva būrynǧy ǧimarat ört qauıpsızdıgın saqtau jäne sanitariia talaptaryna sai kelmegenın, jalpy aumaǧy 169 şarşy metr ǧana bolǧanyn, al qazırgısı myŋ şarşy metrge jetetının, osynda bır auysymda 150 adamdy qabyldau mümkındıgı baryn, endı halyqqa alǧaşqy medisinalyq-sanitarlyq järdem körsetu üşın barlyq jaǧdai jasalǧanyn aitty.
«1999 jyly aşylǧan ortalyǧymyz osy uaqytqa deiın quyqtai bölmede jūmys ıstep keldı» deidı mekeme ardagerı – uchaskelık medbike Sūŋqar Jünısova. Onyŋ aituynşa, bastapqyda qaralatyn adamdardyŋ sany 4 myŋ 500 bolsa, osy künı saiajailar tūrǧyndaryn qosqanda 21 myŋǧa jetken. Därıgerlerdı aitpaǧanda denıne daua ızdep kelgenderdıŋ tar jerde berekesı ketıp, öz renışterın bıldırıp ketetın. «Jaŋa ǧimaratqa köşkenımızge üş kün boldy. Bız de, emdeluşılerımız de quanyştymyz. Ony halyqtyŋ riza pıkırlerınen bılıp otyrmyz» deidı ol.
Onyŋ sözın densaulyǧyn teksertıp jürgen Äbdıraş Şalabaev esımdı azamat ta rastady. «Därıgerlerımızdıŋ būrynǧy qabyldaityn orny öte tar bolatyn. Dälızınde adam iın tıresıp, jüre almaityn. Qaralu üşın ūzyn-sonar kezekte tūratynbyz. Tazalyq jaǧy da köŋıl könşıtpeitın. Al, qazırgı ǧimarat – zamanaui talaptarǧa sai, keŋ, jaryq, ädemı, bır sözben aitqanda, adamnyŋ köŋılın sergıtedı» deidı ol.
Taǧy bır atap ötetın jaǧdai, ortalyqtyŋ jaŋa ǧimaratqa köşkenı köptegen tüitkıldı şeştı. Endı analiz tapsyru jäne därıger mamannan keŋes alu üşın balalardy №6 emhanaǧa aparudyŋ qajetı joq. Onyŋ bärı jaŋa ǧimaratta atqarylady. Al, eresekterge mūndai qyzmettı osy mekeme üiıne tiıp tūrǧan №1 qalalyq auruhana körsetedı.
Amanǧali ŞMİTŪLY
