Arqanyŋ alty aiǧy qysy aiaqtalyp, kün jylyna bastaǧanyna da aidan asa uaqyt bolyp qaldy. Ädette, būl şaqta astanalyqtar qala syrtyna şyǧyp, seiıl qūrsa, endı bırı saiajailaryna baryp, jemıs-jidegın, kökönısın otyrǧyzuǧa kırısedı. Osydan bırneşe jyl būryn olarǧa qalalyq äkımdıktıŋ bastauymen arnaiy avtobustar bölınetın. Al qazır saiajailardyŋ jaǧdaiy qandai?
Saiajailarǧa arnalǧan oryndar bızde joq emes. Olarǧa oryn bastapqyda Qoiandy, Talapker sekıldı bırneşe jerden qarastyrylǧan. Bıraq jūrt ol jaqta jyl on ekı ai tūrǧandyqtan, qazır tūrǧylyqty jerlerdıŋ bırıne ainalyp kettı.
«Būryn elordanyŋ ainalasynda saiajailar köp bolatyn. Qazır köbı tūrǧylyqty mekenge ainalyp kettı. Saiajaidyŋ eŋ
basty paidasy – halyq qystyŋ qamyn jazda jasaityn. Oǧan köbıne zeinetkerler baratyn. Kün jylynǧan kezde saiajailarǧa jüretın arnaiy avtobustar bolatyn edı. Olar būrynǧy Keŋester üiı men Orbita aialdamasynda jūrtty kütıp tūratyn. Būl avtobustar qalanyŋ ekı jaǧyndaǧy saiajailarǧa künıne ekı märte qatynaityn edı» dep esıne aldy elordalyq Küljan esımdı äjei.
İä… Qazırgı uaqytta Saryarqa audanynda 7 myŋ tūrǧyny bar «Polianka», «Zelenaia roşa», «Zelenaia roşa 2», «SMP 209», «KJBİ 56» atty 5 saiajai bar.
Jaqynda qala äkımınıŋ orynbasary Nūrlan Nürkenov «Polianka» bau-baqşa qoǧamynyŋ tūrǧyndarymen kezdestı. Tūrǧyndar saiajai aumaǧyn damytu turaly mäsele qozǧady. Qalalyq äkımdıktıŋ habarlauynşa, saiajai aumaǧy jeke tūrǧyn üi qūrylysyna jäne tūraqty tūruǧa arnalmaǧan. Sebebı ört qauıpsızdıgınıŋ talaptaryna müldem sai emes. Būl aumaqtar, negızınen, saiajai mausymynda uaqytşa tūruǧa ǧana arnalǧan.
Jiyn barysynda qozǧalǧan mäselenıŋ
taǧy bırı – «Polianka» tūrǧyndarynyŋ keibırınde qūqyq belgıleitın arnaiy qūjattary joq, öz erkımen menşıktep alǧan.
Kezdesude Nūrlan Nürkenov qala äkımı Baqyt Sūltanovtyŋ tapsyrmasymen «Polianka» aumaǧyn odan ärı igeru boiynşa jol kartasy äzırlengenın jetkızdı.
– Jol kartasy negızınde arnaiy jūmys toby qyzmetıne kırısedı. Beisenbı künı 18:00-de komissiia müşelerı tūrǧyndarmen kezdesu ötkızedı. Sol jerde är tūrǧynmen aqparattyq-tüsındıru jūmystary jürgızıledı. Jol kartasy boiynşa aumaqqa qatysty egjei-tegjeilı jospar jasalady. Qala äkımdıgı investorlardy tartu üşın qajet injenerlık infraqūrylymnyŋ qūrylysyn qamtamasyz etedı. Sol siiaqty köp qabatty qūrylys formatynda saiajai aumaǧyn odan ärı damytuǧa niet bıldıretın investorlar ızdestırılıp jatyr. Jer zaŋnamasyn saqtamaǧany üşın sot şeşımı boluyna bailanysty saiajai aumaǧyn būzu tiımdı investor tabylǧanǧa deiın şegerıldı. Al şart boiynşa investorlar saiajai ielerı men tūrǧyndaryna qalanyŋ özge tūsynan jer nemese tūrǧyn üi beruı mındetteledı. Sondyqtan alaŋdaityn eş sebep joq. Eşkım baspanasyz qalmaidy, – dedı Nūrlan Nürkenov.
Öz kezegınde «Polianka» tūrǧyndary jol kartasy boiynşa qūrylǧan komissiianyŋ müşelıgıne bastamaşyl toptyŋ ökılderın engızudı sūrady. Äkımdık būl ötınıştı qabyl aldy. Olar tüsındıru jūmystaryna kündelıktı belsene aralasatyn bolady.
Nūr-Sūltan äkımınıŋ orynbasarymen ötken kezdesuge «Polianka» saiajaiynyŋ 50 tūrǧyny qatysty.
