Elordada jas memlekettık qyzmetşıler arasynda «Tıl şeberı-2019» atty baiqau öttı. Būl şarany qalalyq Tılderdı damytu jäne arhiv ısı basqarmasy ūiymdastyrdy.
Baiqauǧa qatysuǧa 21 men 30 aralyǧyndaǧy jastardan 27 qyzmetkerden ötınış tüsıp, ırıkteuden 18 jas öttı. Konkurs üş kezeŋnen tūrdy. Ümıtkerler bırınşı kezeŋde ūlttyq kiımmen sahnaǧa şyǧyp, qazaq tılınde özın tanystyrsa, ekınşı bölımde aǧylşynşa öner körsettı. Üşınşı «Ūlttanym» atalymynda orysşa qoiylǧan sūraqtarǧa jauap berdı. Jalpy, būl şaranyŋ maqsaty jastardyŋ bırneşe tıldı erkın meŋgeruın därıpteidı.
Sonymen, baiqaudyŋ qorytyndysy boiynşa Memlekettık mülık jäne jekeşelendıru departamentınıŋ qyzmetkerı Güljan Serık 1-oryndy jeŋıp aldy. 2-oryndy qaladaǧy №55 orta mekteptıŋ mūǧalımı Möldır Jaqsylyq ielendı. 3-oryndy «Nūrly jürek» äleumettık qyzmet körsetu ortalyǧynyŋ mamany Perizat Üsenbaeva men №54 mekteptıŋ ūstazy Beksūltan Basyqara bölıstı. Jeŋımpaz atanǧan qyzmetker respublikalyq baiqauǧa joldama aldy. Jüldegerlerdıŋ bärı baǧaly syilyqtarmen marapattaldy.
