Nūr-Sūltan qalasynda «Astana – adaldyq alaŋy» jobasy aiasynda qoǧamdyq baqylaudyŋ interaktivtı kartasy ıske qosyldy.
İnteraktivtı karta qalalyq ortany jaqsartu, sondai-aq biudjet qarajatynyŋ jūmsaluyn baqylau, şaǧymdar, pıkırler jinau jäne aqparatty taldau üşın jalpyǧa qoljetımdı jaŋa servis bolmaq. «Eger joldarda jöndeu jūmystary jürgızılıp jatsa, nemese kerısınşe, jol qanaǧattanǧysyz jaǧdaida jäne jöndeu jūmystary ūzaq uaqyt jürgızılmese, azamattar interaktivtı karta saityna kıre alady (www.publicbudget.kz). Qala kartasynan nysandy tauyp, tiıstı pıkır qaldyruy qajet. Habarlamalardy jedel şaralar qabyldanatyn joba qyzmetkerlerı qadaǧalaidy. Osylaişa bız Azamattyq baqylau institutyn küşeitıp, elorda tūrǧyndarynyŋ qalalyq prosesterge tartylu körsetkışın arttyrǧymyz keledı» deidı jaŋa servistıŋ jūmysy jönınde qala äkımınıŋ orynbasary Arman Tūrlybek. Kartada joldardy jöndeu jäne salu jönındegı derekter ǧana emes, mektepter, emhanalar siiaqty barlyq äleumettık nysandarǧa bölıngen biudjettık qarajat jönınde mälımetter körsetıletın bolady. Elorda tūrǧyndary qandai da bır obektınıŋ qyzmetıne qatysty kez kelgen sipattaǧy ötınıştı qaldyra alady. Mäselen, mektepterde ırıkteuge qatysty saualdar, emhanada medisinalyq qyzmet körsetudıŋ sapasy nemese memlekettık organǧa şaǧym boluy mümkın. Sonymen qatar servis kömegımen elorda tūrǧyndary qalalyq ortany jaqsartu boiynşa şaǧymdar men ūsynystardy da qaldyra alady. Ol üşın www.publicbudget.kz saityna qarap jürıŋız.
