Memleket basşysy Nūrsūltan Nazarbaev Parlament Senatynyŋ töraǧasy Qasym-Jomart Toqaevty qabyldady.
Kezdesu barysynda Memleket basşysyna Parlamenttıŋ joǧary palatasynyŋ VI şaqyrylymy üşınşı sessiiasynyŋ negızgı qorytyndylary men aldaǧy sessiiada qarastyratyn zaŋ jobalary jūmystarynyŋ jospary baiandaldy.
– Aldaǧy sessiiada ekonomika salasyna qatysty auqymdy zaŋ jobalaryn jäne bırqatar halyqaralyq qūjattardy qarastyru josparlanǧan. Ükımet köptegen zaŋnamalyq bastamalar äzırlep jatyr. Bızge solarmen jūmys jasau qajet. Sonymen qatar, būǧan deiın qabyldanǧan infraqūrylymdyq jäne industriialyq damu baǧdarlamalaryn, Prezidenttıŋ bes äleumettık bastamasyn jüzege asyru jönındegı jūmystardy jalǧastyra beremız, – dedı Nūrsūltan Nazarbaev.
Qasym-Jomart Toqaev ötken sessiiasynyŋ qorytyndysy boiynşa Senat deputattary salyq, kedendık retteu, biudjettık basqaru jäne basqa da salalarǧa qatysty 84 zaŋ qabyldaǧanyn mälımdedı.
Qazaqstan Prezidentı Kaspii teŋızınıŋ qūqyqtyq märtebesın anyqtau jönındegı konvensiiany ratifikasiialau mäselesın talqylau barysynda Kaspii maŋy memleketterınıŋ Besınşı sammitınıŋ nätijelerıne arnaiy toqtaldy.
– Bes memlekettıŋ basşylary 20 jyl boiy talqylaǧan Kaspii teŋızınıŋ konvensiiasyna qol qoidy. Aqtau qalasy men Maŋǧystau oblysyn odan ärı damytuǧa, öŋırde jaŋa jūmys oryndaryn aşyp, qyzmet körsetu jäne turizm salalaryn ılgerıletuge septıgın tigızetın būl şeşımnıŋ zor maŋyzyn bükıl halyqaralyq sarapşylar atap körsetude, – dedı Memleket basşysy.
