Elordada jyl basynan berı «Sergek» apparattyq-baǧdarlamalyq keşenınıŋ kameralarynda 57 myŋǧa juyq jol qozǧalysy erejesın būzu faktısı tırkeldı. Būl turaly qalalyq Polisiia departamentı habarlady.
Apattylyq taldauyna säikes, 2022 jyldyŋ basynan bastap Nūr-Sūltan qalasynda 162 JKO tırkeldı, onda 3 adam qaza tauyp, 175 adam jaraqat aldy. Aǧymdaǧy jyldyŋ 4 aiynda jol qauıpsızdıgı jelısı boiynşa jürgızuşılermen anyqtalǧan būzuşylyqtardyŋ jalpy sany 31 myŋnan asty.
Jol qauıpsızdıgı deŋgeiın arttyruǧa jäne JKO aldyn aluǧa baǧyttalǧan «Qauıpsız jol», «Qūqyqtyq tärtıp», «Avtobus», «Nazar audaryŋyz, balalar», «Balalardyŋ joldaǧy qauıpsızdıgı», «Jaiau jürgınşı» jäne t. b. bırqatar jedel-profilaktikalyq ıs-şaralar jürgızıledı. Qazırgı uaqytta «Nazar audaryŋyz, balalar» profilaktikalyq ıs-şaralary aiaqtaluda, onyŋ aiasynda 25 säuırden bastap balalardyŋ joldardaǧy qauıpsız mınez-qūlqy taqyrybyna şamamen 3 myŋ därıs pen viktorina ötkızıldı.
JKO jasauǧa yqpal etetın qūqyq būzuşylyqtardyŋ aldyn alu üşın «Sergek» AÖK kameralary tırkeudı jüzege asyrady. Bügıngı taŋda elorda aumaǧynda 6 myŋnan astam kamera ornatylyp, 56 myŋ 724 jol qozǧalysy erejesın būzu faktısı tırkeldı. Jol qozǧalysy erejelerın jiı būzuşylyqqa jol beru, jyldamdyq rejimın arttyru, belgılenbegen jerlerde toqtau nemese tūru bolyp tabylady. Jyl basynan berı 40 myŋnan astam jyldamdyq rejimın būzu, 6 myŋǧa juyq kölık qūraldaryn belgılenbegen oryndarda qoiu erejelerın būzu faktılerı tırkeldı.
Sonymen qatar, Sifrlandyru basqarmasy 26 uchaskede ornatylǧan retteletın jaiau jürgınşıler ötkelınıŋ tyiym salu signalyna ötuın Sergek kameralarymen būzuşylyqtardy tırkeu funksiiasyn äzırledı. Sondai-aq «Astana tūraq keŋıstıgı» kompaniiasymen bırlesıp elordada tūraq erejelerın būzu faktılerın, onyŋ ışınde ekınşı qatarda jäne qoǧamdyq kölık aialdamalarynda tırkeu boiynşa pilottyq joba ıske asyryluda. Jūmys Türkıstan jäne Aqmeşıt siiaqty kürdelı uchaskelerden bastaldy. Būzuşylyqtar avtomatty rejimde anyqtalady.
Elordanyŋ jol infraqūrylymyn jetıldıru jäne jol qauıpsızdıgın qamtamasyz etu maqsatynda polisiia qyzmetkerlerı pilottyq joba şeŋberınde jaŋalyqtardy engıze otyryp, jol qozǧalysyn ūiymdastyrudyŋ qoldanystaǧy shemalaryn özgertu boiynşa köşe-jol jelısın jäne ıs-şaralardy zerttep-qaraudy jürgızedı.
36 retteletın jaiau jürgınşıler ötkelınde qosymşa jaryqtandyru ornatylǧan. Jürgızuşılerdıŋ nazaryn audaru jäne avtokölıkterdıŋ jyldamdyǧyn mäjbürlep tömendetu üşın 23 uchaskede köterıŋkı jaiau jürgınşıler ötkelı jabdyqtalǧan. Sonymen qatar, ötken jyldan berı rettelmeitın jaiau jürgınşıler ötkelderınıŋ aldyna 267 jasandy jol būdyrlary salyndy. Atalǧan uchaskelerde jol-kölık oqiǧalarynyŋ sany ekı esege tömendegenı baiqaldy. Elordada barlyq jaiau jürgınşıler ötkelderı sary jäne aq tüstı jol belgılerımen belgılengen, 30-dan astam uchaskede şu men dırıl äserın tudyratyn qyzyl şu jolaqtary bar, sondai-aq aşyq tüs jürgızuşılerdıŋ nazaryn audarady.
Jol qiylysynda diagonal boiynşa ötkızudı ūiymdastyru boiynşa qanatqaqty joba sättı ıske asyryluda. Būǧan deiın mūndai ötkel Seifullin – Uälihanov köşelerınıŋ qiylysynda, biyl Kenesary – Mämbetov köşelerınıŋ qiylysynda salynǧan bolatyn. Sondai-aq atalǧan shemany taǧy bırneşe köşe qiylysta (Abai – Mämbetov, Abylaihan-Manas) qoldanu josparlanuda. Elordanyŋ köşe-jol jelısınde «Esıl» özenınıŋ oŋ jäne sol jaǧalaularyn jalǧaityn barlyǧy 5 avtojol köpırı paidalanyluda jäne qazırgı uaqytta Ūly Dala köşesınıŋ (aǧymdaǧy jyldyŋ soŋyna deiın), sondai-aq Näjımedenov köşesıne şyǧatyn «Nūrly jol» vokzaly baǧytyndaǧy avtojol köpırınıŋ qūrylysy jobasy boiynşa jūmystar aiaqtaluda. Atalǧan uchaskenı paidalanuǧa berıluı paralleldı magistraldarda kölık jüktemesın aitarlyqtai tömendetuge mümkındık beredı, būl öz kezegınde jol qozǧalysynyŋ yŋǧaily jäne qauıpsız jaǧdailaryn arttyrady.
Pilottyq joba şeŋberınde baǧdarşamdardyŋ jūmys rejimıne («tynyştandyru» rejimı) özgerıster engızıldı. Būl rejimde jol qozǧalysynyŋ barlyq qatysuşylary, sonyŋ ışınde jaiau jürgınşıler üşın qyzyl baǧdarşam bır sekundqa janady, būl qiylystyŋ ortasynda qalǧandarǧa manevrdı qauıpsız aiaqtauǧa mümkındık beredı. Alǧaş ret Respublika jäne Bögenbai batyr daŋǧyldarynyŋ qiylysynda 2021 jylǧy 22 mausymda engızıldı. Ötken jyly 12 uchaskede «tynyştandyru» rejimı, aǧymdaǧy jyldyŋ basynan bastap 10 uchaskede engızıldı, būl jūmys kezeŋ-kezeŋımen jalǧasatyn bolady.
