«Astanalyq saiabaqta» halyqaralyq «Şattyq» jas daryndar festivalı ötude. Üş kün boiy 600-ge juyq bala vokal, horeografiia, aspapta oinau, bıregei janrlar men sän teatry atalymy boiynşa özara synǧa tüsedı.
Baiqau aiasynda är oblys önerpazdarynyŋ 30 minuttyq baǧdarlama qoiuǧa mümkındıkterı bar. Osy uaqyt ışınde kemınde üş nominasiiaǧa säikes öner körsetıluı tiıs. Al, baǧdarlama taqyryby bas şahardy jan-jaqty äspetteu kerek.
Elordanyŋ dästürlı öner saiysyna ainalǧan «Şattyq» festivalı Astana qalasy äkımdıgınıŋ qoldauymen osymen jetınşı ret ūiymdastyrylyp otyr. Astananyŋ tuǧan künıne arnalǧan merekelık şara būǧan deiın «Jastar» saraiy, «Bäiterek» monumentı, «Qazaq elı» alaŋdarynda ötken edı. Biylǧy sahnanyŋ parkte qūryluy tegın emes. Sebebı «Astanalyq saiabaq» – naǧyz balalyqtyŋ mekenı.
– «Şattyq» festivalınıŋ auqymy keŋ. Oǧan Qazaqstannyŋ önerpazdary ǧana emes, Armeniia, Belarus, Bolgariia, Germaniia, Gruziia, İtaliia, Qytai, Qyrǧyzstan, Latviia, Litva, Moldova, Saha Respublikasy, Resei, Türkiia, Özbekstan syndy taiau jäne qiyr şeteldıŋ jas jūldyzdary qatysady. Al, bılıktı öner maitalmandarynan qūrylǧan qazylar alqasynyŋ töraiymy jyldaǧydai – KSRO halyq ärtısı, Memlekettık syilyqtyŋ laureaty Bibıgül Tölegenova, – deidı «Şattyq» festivalınıŋ avtory Qarlyǧaş Äbdıkärımova.
Qala tūrǧyndary men qonaqtary är öŋır üzdıkterınıŋ talantyn tamaşalai alady. Al erteŋ daryndylar ışınen dara şyqqan kollektivterdıŋ esımı anyqtalyp, gala-konsert qoiylady.
Mädina JAQYP
