Şäkırtterınıŋ aldyna Şeraǧaŋdy nege şyǧarmasqa?
Astana qalasynyŋ Mädeniet jäne sport basqarmasy biylǧy «Şabyt» şyǧarmaşyl jastardyŋ HHI festivalı baǧdarlamasyna alty jyldyq üzılısten soŋ qosylyp jatqan «Jurnalistika» atalymynda Şerhan Mūrtaza atyndaǧy atauly syilyq tapsyrylatyny turaly jaŋalyqty taratty.
Būl öte qūptarlyq şeşım boldy. Şerhan Mūrtaza qazaqtyŋ beldı-beldı basylymdarynyŋ basşysy jäne teleradiokompaniia töraǧasy retınde de, qalam qarymy jaǧynan da ūlttyq jurnalistika örısınıŋ keŋeiuıne ölşeusız üles qosty. Az sözge köp maǧyna syidyra bılıp, tılıp tüser tırkesterı halyq jadyna jazylyp, osy künderı qanatty sözge ainaldy.
Keiınnen körnektı qalamgerler retınde tanylǧan talai şäkırt tärbielep, «Şerhannyŋ şekpenı» ūǧymy paida bolǧanynan da el habardar. Belgılı bır baiqaudyŋ ışınde onyŋ atyndaǧy syilyq taǧaiyndalǧany, tıptı azdyq etedı dep aitar edık. Jurnalister arasynda Şerhan Mūrtaza atyndaǧy respublikalyq baiqau ūiymdastyrylyp, tūraqty türde ötıp tūrsa, bır ǧanibet bolar edı dep oilaimyz.
Byltyr közı tırısınde 85 jyldyq mereitoiyna orai Taraz qalasynda «Zamannyŋ zaŋǧar tūlǧasy» atty respublikalyq müşäira öttı. Osy oiymyz sol uaqytta kelgen. Şyndyǧyna kelgende prozalyq baiqau bolmasa, poeziialyq jarystyŋ Şeraǧaŋa qandai qatysy bar dep oilanǧanymyz da ras. Bızde Oralhan Bökei atyndaǧy körkemsöz oqu şeberlerınıŋ respublikalyq, Aqseleu Seidımbek atyndaǧy jas aqyndar, jazuşylar, kösemsöz şeberlerınıŋ Qaraǧandy oblystyq baiqaulary bar. Al osy ekeuı de Şerhan Mūrtazanyŋ şäkırtterı ekenı anyq. Şäkırtterınıŋ aldyna Şeraǧaŋdy nege şyǧarmasqa? Şyndyqtyŋ şyraqşysy bola bılgen Şerhan Mūrtaza atynda jurnalister arasynda baiqau ūiymdastyrylyp otyrsa, qazaq jurnalistikasynyŋ da sapasy köterıler edı bälkım. Jurnalister arasynda jyl saiyn ötıp tūratyn baiqau Şeraǧaŋ atyn tu etıp ötıp tūrsa qandai ǧanibet?!
Oidy oi türtedı. Qazır bızge proza men ädebi synǧa, satiraǧa da «qan jügırtetın» baiqaular kerek. Mäselen, Saǧat Äşımbaev atyndaǧy synşylar baiqauy. Būl da osy salalardyŋ alǧa basuyna septıgın tigızetını belgılı. Şerhan, Saǧat syndy qazaq körkem sözıne zor üles qosqan qalamgerlerdıŋ ülgısı, «bolmasaŋ da, ūqsap baq» degen ūstanym aitar, jazar sözımızdı tüzeter edı.