Oqyrman oiy – oljamyz
Astanada «Baspasözge jazyluşylar künı» dästürlı merekesı öttı. Jyl saiyn gazet-jurnal oqyrmandary üşın ūiymdastyrylatyn şaraǧa elımızge belgılı basylymdar ökılderı men qala tūrǧyndary qatysty.
Än-şaşumen aşylǧan şaraǧa kelgen qonaqtardy «Qazpoşta» AQ «Astana pochtamt» astanalyq filialynyŋ direktory Gülmira Babenova baspasözge jazylu nauqanynyŋ bastaluymen qūttyqtap, gazet-jurnal ūjymdaryna jemıstı eŋbek, şyǧarmaşylyq tabys tıledı.
«Astana aqşamy» gazetınıŋ arnaiy söresıne kelıp, basylym turaly oi bölısken oqyrmannyŋ bırı Almagül Borantaeva ystyq yqylasyn bylaişa bıldırdı:
– Menıŋ mamandyǧym – pedagog. Qazır zeinette bolsam da bılım beru ısınen qol üzgen joqpyn. Qolym tigenşe qazaqşa, orysşa gazetterdı oqyp tūramyn. Al sızderdıŋ «Astana aqşamyn» bırınşı kezekte qaraimyn. Öitkenı būl Astanamyzdyŋ töl gazetı ǧoi. Qalanyŋ tırşılıgı turaly jaqsy jazasyzdar. Soŋǧy kezderı gazetterıŋız qyzyq bolyp barady. Biyl da mındettı türde jazylamyn. Osy mümkındıktı paidalanyp, qala tūrǧyndaryn astanalyq gazetke jazyluǧa şaqyramyn. Oqyrmandaryŋyz köbeie bersın!
Osy künı merekelık şaraǧa kelıp öz önımderın, iaǧni gazet-jurnaldaryn ūsynǧan «Egemen Qazaqstan», «Vecherniaia Astana» gazetterı, «National Geographic», «Qazaqstan äielderı» jurnaldary jäne basqa da basylymdar ökılderı de oqyrmandarymen qauyşyp jatty.
Merekelık şaraǧa arnaiy kelıp, bırneşe adamǧa «Astana aqşamy» gazetın tegın jazdyryp beruge niet bıldırgen «Ekskliuziv Damu» JŞS direktory Mūrat Beiısbaev degen azamat köŋılımızdı kädımgıdei köterıp tastady.
– «Astana aqşamy» gazetıne Auǧanstan soǧysy saldarynan mügedek bolyp qalǧan 5 jauyngerdı aldaǧy jylǧa jazdyruǧa keldım. Özım de oqityn bolamyn.