Nūr-Sūltan qalasynyŋ №1 qalalyq emhanasynda şeteldık azamattarǧa 028-U nysanyndaǧy «Şeteldıktıŋ, köşıp-qonuşynyŋ, eŋbekşı köşıp-qonuşynyŋ Qazaqstan Respublikasynda tūruǧa yqtiiarhat nemese azamattyǧyn alu üşın densaulyq jaǧdaiy turaly qorytyndy» anyqtamasyn alu üşın medisinalyq tekseruden ötuge bolady. Būl anyqtama elımızdıŋ aumaǧynda uaqytşa tūruǧa jäne erkın jürıp-tūruǧa rūqsat alu maqsatynda, sondai-aq QR azamattyǧyn aluǧa niet bıldırgender üşın resımdeledı.
Elordada şeteldık azamattardyŋ aǧyny jäne Reseiden köşıp-kelu belsendılıgı baiqaluda jäne bügınde olardyŋ densaulyǧy turaly aqparat beruınıŋ mäselesı özektı bolyp qala bermek. Köptegen şeteldık azamattar elordaǧa turist retınde, al keibıreulerı mūnda jūmys ızdep kelude. Olardyŋ barlyǧy mındettı medisinalyq tekseruden ötuı qajet.
Nūr-sūltan q. №1 qalalyq emhanasynyŋ aqyly qyzmet körsetu bölımınıŋ meŋgeruşısı G.E. Turalinova: «Bızdıŋ emhana şeteldık azamattarǧa medisinalyq kuälandyru nätijelerın beretın medisinalyq ūiymdar arasynda alǧaşqylardyŋ bırı bolyp bekıtıldı. Medisinalyq kuälandyru erıktı türde jäne aqyly negızde qamtamasyz etıledı. Azamattardyŋ maqsattary ärtürlı jäne mındettı türde eŋbek qyzmetımen bailanysty bolmauy mümkın. Bızdıŋ mekemede pasientterdı qabyldau düisenbıden jūmaǧa deiın saǧat 8.00-den 16.00-ge deiın jürgızıledı. Al anyqtamanyŋ qūny 3 700 teŋgenı qūraidy. Ädette, basqa medisinalyq ūiymdardaǧy şyǧyndar öz qalauy boiynşa belgılenedı jäne bızdıŋ qūnymyzdan asyp ketuı mümkın», deidı.
Medisinalyq kuälandyru räsımı kürdelı tekseru emes jäne maman därıgerlerdıŋ (terapevt, ftiziatr, dermatovenerolog, psihiatr-narkolog, infeksionist därıgerı) tekseruın jäne ainaladaǧylar üşın infeksiialyq aurulardyŋ, onyŋ ışınde AİTV infeksiiasynyŋ, naşaqorlyq pen tuberkulezdıŋ qauıptılıgın boldyrmau üşın belgılı bır medisinalyq zertteulerdı qamtidy.
Şeteldık tūlǧaǧa jügınu kezde tölqūjat (JSN), köşı-qon kartasyn nemese jūmysqa rūqsat qaǧazyn ūsynu qajet. Emhananyŋ tırkeu ornynda pasienttıŋ medisinalyq kartasy toltyrylady jäne medisinalyq komissiiadan ötuge medisinalyq blank berıledı. Anyqtama 1 küntızbelık ai boiy jaramdy. Tolyq aqparat jäne jazylu üşın Nūr-Sūltan qalasynyŋ №1 qalalyq emhanasynyŋ CALL ortalyǧyna habarlasuǧa bolady – (8 7172) 39 99 78.
