Şetkı aimaqtardyŋ şyraiy kıredı

«Nur Otan» partiiasynyŋ HVIII sezınde Memleket basşysy Nūrsūltan Nazarbaev Qazaqstannyŋ eŋ ırı şaharlary – Astana men Almaty jäne Şymkent qalalarynyŋ şetkı aimaqtaryndaǧy şetın mäselelerdı şeşu üşın 2019-2021 jyldary qosymşa 90 milliard teŋgenıŋ bölınetının aitqan bolatyn. Būl tūrǧyda Premer-ministr Asqar Mamin Astana qalasyna jaqyn ornalasqan eldı mekenderdı aralap, ondaǧy äleumettık jäne kölık infraqūrylymynyŋ jaǧdaiymen tanysty.

Şetkı aimaqtardy aralau barysynda Asqar Mamin azamattardyŋ tūrmys sapasyn jaqsartu boiynşa, Memleket basşysynyŋ alǧa qoiǧan mındetterın jergılıktı atqaruşy organdardyŋ qanşalyqty oryndap, qandai şara qabyldap jatqanyna nazar audardy. Atap aitqanda, tūrǧyn üi, bılım beru, medisinalyq qyzmet sapasy, äleumettık jaǧdai, kölık infraqūrylymy, köşelerdı jaryq­tandyru, üzdıksız elektr­men, sumen jabdyqtau mäselelerı qaraldy. Sonymen qatar Premer-ministr Astana qalasy men Aqmola oblysy tüiısetın eldı mekender tūrǧyndarynyŋ baspana jaǧdaiymen tanysty.
Ükımet basşysy bastaǧan jūmys toby aldymen «Prigorod­nyi» tūrǧyn alabyna at basyn tıredı. Astana qalasynyŋ äkımı Baqyt Sūltanov Premer-mi­nistr­­ge elordany damytudyŋ 2023 jylǧa deiıngı keşendı josparyn ıske asyru turaly baiandady. Qalanyŋ şetkı audan­daryn ortalyqpen baila­nys­tyratyn, sondai-aq jolauşylarǧa baratyn jerlerıne qysqa uaqyt ışınde jetuge mümkındık beretın jeŋıl relstı kölık jolyn salu mäselelerın aitqan qala basşysy osy aumaqtaǧy jer üilerdı sürıp, ke­ŋeitılgen oryndarǧa köpbalaly jäne tūrmysy tömen otbasylardy baspanamen qamtamasyz etu üşın munisipaldyq tūrǧyn üi qūrylysyn jürgızu josparda bar ekenın atap öttı.

Būl jerden keiın jūmys toby Qabanbai batyr daŋǧylyna at basyn būryp, onda ortalyq qala magistralın keŋeitu perspektivalary talqylandy. Odan keiın Ükımet basşysy «Ürker» tūrǧyn alabyndaǧy otbasylyq-därıgerlık ambulatoriia men №6 mektepte bolyp, osy aumaqtaǧy bılım beru men densaulyq saqtau jüiesınıŋ jaǧdaiyn öz közımen kördı.
Öz kezegınde Aqmola oblysynyŋ äkımı Mälık Myrzalin «Qaraötkel» auylyn Astana qalasynyŋ teŋgerımıne beru üderısı men Selinograd audanynyŋ äleumettık-ekonomikalyq damytudyŋ keşendı josparyn ıske asyru jönınde baiandady.
Sonymen qatar «Ürker» tūr­ǧyn alabynyŋ şyǧys jaǧynda ornalasqan jeke tūrǧyn üilerge injenerlık jelıler jürgızu, tūrǧyndardy su deŋgeiınıŋ köterıluınen qorǧau maqsatynda böget salu mäselelerı söz boldy. Mūndaǧy ıske asyrylyp jat­qan ırı jobalardyŋ bırı – qala töŋıregındegı jol ainalmasyn tūiyqtaityn «Astananyŋ oŋ­tüstık-batys ainalma joly» ma­gistraldı tas jolynyŋ salynuy. Būl qala arqyly ötetın tranzit pen elordanyŋ ainalma jolymen jüretın avtokölıkter aǧynyn baǧyttauǧa mümkındık bermek.
Sondai-aq Asqar Mamin Baiqoŋyr audanyndaǧy «Öndırıs» tūrǧyn alabynda da bolyp, ondaǧy 120 oryndyq balabaqşa men №12 bastauyş mektebıne bas sūqty. Jergılıktı atqamınerler Premer-ministrge osyndaǧy bılım beru salasyndaǧy qazırgı jaǧdai turaly egjei-tegjeilı baiandady. Sol siiaqty audan infraqūrylymyn, sonyŋ ışınde jol-kölık infraqūrylymyn damytu jobasy men bırqatar köşenı keŋeitu jäne injenerlık-kommunikasiialyq jelılermen qamtamasyz etu mäselelerı aityldy.
Ükımet basşysy elordanyŋ şetkerı aimaqtaryn aralaudy Qoiandy auylynda qorytyndylady. Auylda 2500 adamǧa şaq­talǧan otbasylyq densaulyq saqtau ortalyǧy jūmys ısteidı. Qazırgı uaqytta 1200 oryndyq mekteptıŋ qūrylysy jürgızılıp jatyr. Şetkı aimaqtardyŋ tynysy­men tanysyp, atqarylyp jat­qan jūmystardy tyŋǧylyq­ty tekserıp şyqqan Ükımet basşysy Asqar Mamin Astana qalasy men Aqmola oblysynyŋ basşylaryna jäne bırqatar ministrlık ökılderıne tiıstı tapsyrmalar jüktedı.

Bilıktıŋ basty mındetı – jūrtty jūmyspen qamtu

– Bügıngı «Nūr Otan» partiiasynyŋ sezınde qazaqstandyqtardy alaŋdatatyn äleumettık qoldau saiasatynyŋ qalai örbitınıne jauap aityldy. Elde qazaqstandyqtardyŋ äl-auqatyn arttyruǧa baǧyttalǧan şaralar küşeitıletın bolady. Osy jyly äleumettık salaǧa respublikalyq biudjettıŋ barlyq şyǧystarynyŋ 45 paiyzdan astamy baǧyttalady.
Memleket basşysy atap ötkendei, tabysy az adamdarǧa jäne köpbalaly otbasylarǧa erekşe köŋıl bölınetın bolady. Būl rette äleumettık kömek taǧaiyndaudyŋ barlyq räsımderı jeŋıldetıluı tiıs. Memleket basşysy atap ötkendei, memlekettıŋ basty mındetı – jūrtty jūmyspen qamtamasyz etu. Partiia aldaǧy 10 jylǧa naqty maqsattar qoidy, myqty memleket bolyp qalyptasuǧa ärqaisymyz öz ülesımızdı qosuǧa tiıspız.

Jaŋa baǧdarlama eldı jan-jaqty jaŋǧyrtuyn qamtamasyz etedı

– Jaŋa baǧdarlamanyŋ maqsaty barlyq qazaqstandyqtyŋ müddesıne baǧyttalǧan ärı äleu­mettık sipatqa ie. Jaŋa baǧdarlama partiianyŋ eldı jan-jaqty jaŋǧyrtuyn qamtamasyz etedı. Būl basymdyqtar partiia­nyŋ taiaudaǧy jyldarǧa arnalǧan baǧdarlamasynda körsetılgen.
Damudyŋ negızgı qaǧidattary: ūlttyq bırlık, ekonomikalyq ösu jäne güldengen memleket. Memleket basşysy öz sözınde Qazaqstannyŋ äleumettık memleket retınde damuy basty basym baǧyttardyŋ bırı bolatynyn atap öttı. Kömekke asa mūqtaj qazaqstandyqtarǧa körsetılıp, atauly sipatqa ie bolmaq.

Sapa men qoljetımdılık artady

– Memleket basşysy elımızdıŋ är tūrǧynynyŋ sau boluy kerektıgın alǧa tartty. Sol sebeptı tūrǧyndardy, olardyŋ qai jerde tūratyndyǧyna qaramastan, sapaly medisinalyq qyz­mettıŋ qoljetımdılıgımen qamtu maŋyzdy. Ol otandyq medisinany damytuda, eŋ aldymen aurulardyŋ aldyn aludy, salauatty ömır saltyn nasihattaudy qozǧady.
Qoǧamdyq densaulyq saqtau men bastapqy medisinalyq-sanitarlyq kömek qyzmetıne jūmsalatyn qarajat 40-tan 60 paiyzǧa arttyrylmaq. Osynyŋ nätijesınde stasionarlyq medisinalyq kömektı körsetu sapasy men qoljetımdılıgı ūlǧaiatyn bolady.
Äleumettık saladaǧy özektı mäseleler jedel şeşımdı talap etedı. Endı Ükımet naqty, maqsatty kömek körsetedı degen oidamyn. Prezident pen qazaqstandyqtar jaŋa Ükımetke senım artyp otyr. Sol senım aqtalady dep ümıttenemın.

Memlekettık bilıktıŋ qainar közı – halyq

– Konstitusiianyŋ 3-babynda aitylǧandai, memlekettık bilıktıŋ bırden-bır qainar közı – halyq. Elbasynyŋ «Nūr Otan» partiiasynyŋ kezektı sezınde söilegen sözı qazaqstandyqtardy beijai qaldyrǧan joq. Halyqqa degen qamqorlyqty bırden aŋǧaruǧa bolady. Köpbalaly analarǧa jasalǧan jaǧdai bolaşaǧymyzǧa qūiylǧan investisiia ıspettı. Sondai-aq qazaqstandyqtardyŋ äl-auqatyn arttyru maqsatynda alǧa qoiǧan mındetter kedergısız jüzege asyrylatynyna senımımız mol. Mūny Elbasynyŋ özı jeke baqylauyna alatyn boldy.
Älem halqy örkenietke ūmtylyp, qaryştaǧan zamanda halyqtyŋ äleumettık jaǧdaiy basty nazardaǧy baǧyttardyŋ bırı boluy qajet. Sonda ǧana bız bäsekege qabılettı bola alamyz. «Men özıme senım artqan halqymnyŋ bolaşaqta emes, qazır baqytty bolǧanyn körgım keledı» dep Elbasy aitqandai, halqy baqytty memleket qana biık belesterdı baǧyndyrady dep esepteimın.