Elordaǧa «Egemen Qazaqstan» gazetınıŋ redaksiiasy köşıp keldı.
«Öletın bala molaǧa qarai jügıredı» degen tau bökterındegı äsem şaHardy tastap, aiazy ūlyǧan Arqada-Aqmolada ne bar, būl ideiadan tük şyqpaidy dep älı de kümänı basym bolyp, ūşqary pıkır aityp jürgen bıraz ärıptes, zamandas el gazetı, qaraşaŋyraq basylym «Egemen Qazaqstan» elordaǧa köş tüzegen soŋ auzyna qūm qūiylǧandai äserde qaldy. Memlekettık organdar älı tolyq
Qazaq Saryarqa tösıne ölemız dep emes önemız, ösıp, örkendeimız dep ūly köştı bastady. Şükır, şirek ǧasyr ışınde Selinograd – Aqmola – Astanadaǧy qazaqtardyŋ ülesı 18 paiyzdan 81 paiyzǧa deiın ösıp, būl şahar ūlysymyzdyŋ ūiytqysyna, elımızdıŋ ordasyna ainaldy
Saryarqa tösıne jailanyp, jaiǧasyp bolmai jatyp-aq, älı jasy qyryqqa jetpegen Aqparat jäne qoǧamdyq kelısım ministrı Altynbek Särsenbaev bas gazettı bas qalaǧa tezırek äkelu jolynda tabandylyq tanytty. Osy kezde gazettıŋ bas redaktory Erjūman Smaiyl bolatyn. Men bırınşı orynbasar retınde ministrdıŋ arnaiy tapsyrmasymen jarty jyl būryn Astanaǧa qonys audaryp, daiyndyq şaralaryn bastap ketken bolatynbyz. Aqmola oblysynyŋ Selinograd audany äkımdıgı özderı otyrǧan ekı qabatty eskı ǧimaratty redaksiiaǧa bosatyp berıp, kürdelı jöndeudı bastap ketken edık. Qazaq Saryarqa tösıne ölemız dep emes önemız, ösıp, örkendeimız dep ūly köştı bastady. Şükır, şirek ǧasyr ışınde Selinograd – Aqmola – Astanadaǧy qazaqtardyŋ ülesı 18 paiyzdan 81 paiyzǧa deiın ösıp, būl şahar ūlysymyzdyŋ ūiytqysyna, elımızdıŋ ordasyna ainaldy. Eldıŋ, halyqtyŋ sözın aitatyn ūlttyq basylymnyŋ osydan şirek ǧasyr būryn, dälırek aitqanda, 1999 jylǧy 20 aqpanda el törıne kelıp ornalasuy saiasi jäne ruhani mänı zor oqiǧa bolyp qala beredı. Aqpannyŋ aiazy arqyrap tūrǧan taŋǧy sätte qala jūrtşylyǧy vokzaldan Şerhan Mūrtaza men Erjūman Smaiyl bastap kelgen «egemen qazaqstandyqtardy» jyly şyraimen qarsy aldy. Halyq aqyny Qonysbai Äbıl arnau aitsa, qalamger Klara apai Ämırqyzy şaşu şaşty». Astanaǧa tek «Egemen Qazaqstan» ǧana kelgen joq, onymen bırge Säkennıŋ, Tūrardyŋ, Smaǧūldyŋ, Ǧabittıŋ ruhy ere keldı» dep gürıldedı Şeraǧa. Osy oqiǧany men bügınde eŋbek etetın «Astana aqşamy» gazetı bırınşı betınen bastap süiınşılep bergen eken. Bas basylym köşın bas qalaǧa bastap kelgen Prezident syilyǧynyŋ alǧaşqy laureaty, Qazaqstannyŋ eŋbek sıŋırgen qairatkerı Erjūman Smaiyl 1999 jyldan dünieden ötken 2018 jylǧa deiın tūrǧan «Samal» möltek audanyndaǧy üiıne eskertkış taqta ornatu jönındegı şeşımge qalalyq arnaiy komissiia müşelerınıŋ däl osy aiazdy aqpan künderı qoldau bıldıruı bır erekşe üilesımnıŋ nyşanyndai bolyp, şirek ǧasyr būrynǧy oqiǧany esımızge tüsırıp edı.
