Elbasy Nūrsūltan Nazarbaev ūsynǧan bes äleumettık bastama – būl eldıŋ ärbır azamatyna degen qamqorlyq. Prezident aǧa buyn men jastardy tolǧandyratyn eŋ maŋyzdy mäselelerdı köterdı.
Bızdıŋ bolaşaǧymyz qoljetımdı jäne sapaly joǧary bılımge täueldı. Qazırgı taŋda 530 myŋnan astam jas qazaqstandyqtar elımızdıŋ joǧary oqu oryndarynda bılım alady, olardyŋ 30%-y tegın negızde. Elbasynyŋ bes äleumettık bastamasyndaǧy bılım aluǧa qosymşa 20 myŋ grant bölu, mektep tülekterıne asa serpın beredı dep esepteimın. ŪBT jüiesındegı reformalar jäne älemdık standarttar arqyly bılım jüiesın qūrumen qatar, qosymşa granttar elımızge jaŋa 20 myŋ täjıribelı mamandardy daiarlaidy. Sondai-aq, studentterımızdı baspanamen qamtamasyz etu mäselesı de nazardan tys qalǧan joq. Elbasy 2022-şı jyldyŋ soŋyna deiın 75 myŋ orynnan kem emes studenttık jaŋa jataqhanalardyŋ qūrylysyna tapsyrma berdı. Būl – qala jäne auyl jastarynyŋ bılım aluyna barlyq jaǧdai jasalady degen söz.
Jaqyn arada Astanaǧa köpten kütken gaz keledı. Bas qalaǧa gaz tartu jönındegı köptegen jyldarǧa sozylǧan kürdelı mäsele öz şeşımın tabady. Elımızdıŋ ortalyq jäne soltüstık öŋırlerın gazben qamtamasyz etu Elbasynyŋ besınşı äleumettık bastamasy bolyp tabylady. Rasynda, Qyzylorda oblysynan tartylatyn gaz qala tūrǧyndaryna taza auany oŋaltyp, atmosferaǧa ziiandy qaldyqtardyŋ şyǧaryluyn bırşama azaityp, ekologiialyq jaǧdaidy jaqsartady. Būl qarapaiym halyq ömırınıŋ sapasyna jäne otbasylyq biudjettıŋ ünemdeuıne äserın tigızedı. Kök otyndy 2 million 700 myŋ qazaqstandyq tūtynatyn bolady. Bar mäsele aitylǧan uaqytta ıske asyrylatynyna ümıttenemız. Al bız, deputattar, öz tarapymyzdan Elbasy bastamasynyŋ sapaly ıske asuyna jedel järdemdesetın bolamyz.
Qaraqat ABDEN,
Astana qalalyq
mäslihatynyŋ deputaty
