Astanada jyldaǧy dästürmen bas şyrşanyŋ şamy jaǧyldy. EKSPO aumaǧynda ötken şaraǧa elorda äkımı Baqyt Sūltanov qatysyp, jinalǧan jūrtşylyqty kele jatqan jaŋa jyl merekesımen qūttyqtady.
Şyrşa şamdaryn jaǧudyŋ biylǧy basty erekşelıgı qala boiynşa ornatylǧan 12 şyrşanyŋ şamy bır mezgılde jaǧyldy. Al bas şyrşa biyl da EKSPO keşenınıŋ aumaǧyna ornalastyryldy. Onyŋ biıktıgı – 25 metr. Jaŋa jyldyŋ bas simvolyn bezendıru üşın 200-den asa qar ūşqyny, 1200 türlı-tüstı şar men 4000 metr girliand jyltyraǧy jūmsaldy. Şyrşa şamdaryn jaǧu saltanaty barysynda otandyq öner jūldyzdarynyŋ qatysuymen konsert öttı. Al türlı keiıpkerlerdıŋ kiımındegı ärtıster balalardyŋ köŋılın köterdı.
Būǧan qosa jyldaǧy dästür boiynşa syrǧanaqtar men mūz qalaşyqtar da esıgın aiqara aşty. Olar «Han Şatyr», äkımdıktıŋ aldyndaǧy qalalyq alaŋda jäne Botanikalyq saiabaq aumaǧynda ornalasqan. Mūnda kelgen jūrt ertegıler älemıne enıp ketkendei küide qalary anyq. Sondai-aq, #AstanaWinterland heştegı de ıske qosyldy. Äleumettık jelılerde däl osy heştegpen jariialanǧan fotolar Astananyŋ qysqy körınısınen syr şertuge septıgın tigızbek.
Aitpaqşy, biyl qys mezgılınde bas-aiaǧy 400 ıs-şara ötkızıledı. Olardyŋ qatarynda sport jarystary, ūlttyq taǧamdar järmeŋkesı, mänerlep syrǧanaudan şeberlık synyptary, köŋıldı starttar, «pimamen hokkei oinau», jaŋajyldyq erteŋgılıkter, «Şyrşa fest» festivalı jäne basqa da qyzyqty şaralar ūiymdastyrylady.
