Qazaqstanda bügıngı taŋda balaly otbasylardy keşendı qoldau baǧdarlamasy bar, ol memlekettık järdemaqylar, äleumettık tölemder, jūmyspen qamtuǧa järdemdesu jönındegı şaralar men salyq salu kezındegı jeŋıldıkter jüiesın qamtidy. Bıraq jahandyq ekonomikanyŋ äserın, infliasiialyq ürdısterdı, urbanizasiiany eskere otyryp, qolda bar qoldau kölemı pysyqtalyp, keŋeitıluı tiıs.
Bügın äleumettık qoldau 5 sanattaǧy otbasylarǧa körsetıledı: 1 jasqa deiıngı balalary bar analar men otbasylarǧa, köpbalaly otbasylarǧa, mügedek balalary bar otbasylarǧa, jaǧdaiy tömen otbasylarǧa, asyrauşysynan aiyrylǧan jäne balalardy qamqorlyǧyna alǧan otbasylarǧa.
Qazaqstandyq jüie adam ömırınıŋ barlyq kezeŋınde bırqatar qoldau şarasyn qarastyratynyn moiyndau kerek. Tölemder mölşerı ūlǧaitylyp, alu jüiesı jeŋıldetılgen. Barlyq äleumettık tölem jylda infliasiia deŋgeiıne indeksteledı. Jalpy, ana men balany äleumettık qorǧau şeŋberınde qabyldanyp jatqan şaralar, tıptı qazırgı tömen mölşerlerde de el halqynyŋ demografiialyq ösuıne oŋ äserın tigızdı. Ükımet janynan qūrylǧan jūmys komissiiasynyŋ bastamalaryn qolaily ıske asyru kezınde bız halyqtyŋ ösuı boiynşa dıttegen nätijenı alamyz dep oilaimyn. Soŋǧy 10 jylda tuu körsetkışı 10%-ǧa artty.
