Elordada «1000 oryn – köşe saudasy» jobasy aiasynda käsıpkerler öz ısın bastau üşın zor mümkındıkterge ie bolyp otyr. Öz ısın tabysty jüzege asyrǧandardyŋ arasynda köpbalaly analar da bar.
Jämila Nauryzbaeva – bes balany jalǧyz tärbielep otyrǧan ana. Ol «1000 oryn – köşe saudasy» baǧdarlamasyna 2016 jyldan qatysyp keledı. Käsıpker äiel kökönıster men jemısterdı satuǧa arnalǧan nysandy ornalastyru üşın arnaiy komissiianyŋ şeşımımen jer uchaskesın alǧan bolatyn.
Atalmyş sauda orny köpbalaly anaǧa öz ısın damytuǧa kömektestı. Öz ısın bır sauda orny arqyly tabysty jürgızgen Jämila Nauryzbaeva 2018 jyly baǧdarlama boiynşa taǧy da bır jer uchaskesın alu üşın tiıstı qūjattar tapsyrypty. Bügıngı taŋda käsıpker saudany ekı nüktede jürgızıp keledı. Osylaişa ol öz otbasyn asyrap otyr.
«Astana» ÄKK» AQ baspasöz qyzmetınıŋ mälımetıne süiensek, «1000 oryn – köşe saudasy» baǧdarlamasy boiynşa korporasiia jyl saiyn 15 jer uchaskesın böledı. Atalmyş jer uchaskelerı Astana qalasynyŋ öŋırlık käsıpkerler palatasynyŋ ūsynymy boiynşa halyqtyŋ äleumettık jaǧynan osal toptarynyŋ qataryna kıretın käsıpkerlık subektıler arasynda ülestırıledı.
Elordanyŋ käsıpkerler palatasy öz tarapynan «Astana» ÄKK» AQ atyna «1000 oryn – köşe saudasy» baǧdarlamasyna qosymşa jer uchaskelerın qosu jönındegı bastamasyn köterdı. Būdan keiın atalmyş jer uchaskelerı kvota boiynşa käsıpkerlık subektılerı arasynda ülestırıluı tiıs.
Astananyŋ käsıpkerler palatasy bekıtetın ışkı tärtıp şeŋberınde jer uchaskesın kvota boiynşa alǧysy keletın ümıtkerlerdı ırıkteudı öz betınşe ötkızıp, taŋdalǧan ūsynymdy «Astana» ÄKK» AQ-qa joldaidy. Qoǧam öz kezegınde jer telımın qosalqy jalǧa alu kelısımşartyn bekıtu jönınde şeşım şyǧarady.
