Qazaqstanda 2024 jyldan bastap studentter üşın jeŋıldıktı nesieleu engızılui mümkın. Ötken jyly Ǧylym jäne joǧary bılım ministrı Saiasat Nūrbek oqu aqysyn 2-3%-ǧa töleuge ūzaq merzımdı jeŋıldıktı nesieler beru jospary turaly aityp berdı.
Ministrlikte joǧary bılımge qoljetımdılıktı keŋeitu aiasynda zaŋnamalyq deŋgeide «Bılım beru nesiesı» ūǧymy engızılgenın tüsındırdı. Būl termin studentterdıŋ oquyn aiaqtaǧannan keiın ony öteu mümkındıgımen oqu aqysyn töleuge nesie aluyn bıldıredı.
– Prezident Qasym-Jomart Toqaevtyŋ tapsyrmasy boiynşa bılım aluşylarǧa ūlttyq bıryŋǧai testıleu nätijelerın, äleumettık jaǧdaidy, ǧylymi (şyǧarmaşylyq) jetıstıkterdı eskere otyryp, joǧary bılımge aqy töleu üşın nysanaly aqşa somasynyŋ belgılı bır ülesın aludy qamtamasyz etu maqsatynda saralanǧan grant engızu mäselesı pysyqtaluda, – dep atap öttı ministrlıkte.
Nesieleudı ıske qosu qoldanystaǧy zaŋnamada qajettı normalar qabyldanǧannan keiın 2024 jyldan bastap kütıledı. Oǧan bılım beru grantynyŋ iegerı bolmaǧan talapkerler ümıtker bola alady. Osylaişa, olar memleket kepıldıgımen nesie alyp, oquyna aqy tölei alady.
Sondai-aq qaryzdy öteu merzımderın belgıleu kezınde qaryz aluşylardyŋ jekelegen sanattary (jetım balalar, ata-anasynyŋ qamqorlyǧynsyz qalǧan balalar) eskerıletın bolady.
– Tömen paiyzdyq mölşerlememen Qazaqstan azamattaryna memlekettık bılım beru nesielerın beru turaly mäsele pysyqtaluda, – delıngen resmi jauapta.
Jeŋıldıktı nesieleudı ıske asyru Qarjy agentın tarta otyryp, ekınşı deŋgeilı bankter arqyly jüzege asyrylady.
Sonymen qatar, ministrlık bılım beru granttaryn saralaudyŋ bırneşe modelın qarastyruda.
Üzdık akademiialyq, ǧylymi nätijelerı bar, sondai-aq respublikalyq jäne halyqaralyq deŋgeidegı jetıstıkterı bar talapkerler tolyq
«Daryn» grantyn ala alatyny belgılı.
– Būl olarǧa jahandyq bılım beru baǧdarlamalarynda, qos diplom baǧdarlamalarynda, QR aumaǧynda ornalasqan jetekşı şeteldık joǧary oqu oryndarynyŋ filialdarynda bılım aluǧa mümkındık beredı. Sonymen qatar, ŪBT balyna jäne özge de körsetkışterge bailanysty talapkerlerge berıletın bılım beru granttarynyŋ özge de türlerı engıziledi, – dep qorytyndylady ministrlıkte.
