Astana qalasy Tötenşe jaǧdailar departamentı aldaǧy su tasqyny kezeŋıne daiyndyq aldyn ala bastalǧanyn mälımdedı.
Astana qalasy Tötenşe jaǧdailar departamentı aldaǧy su tasqyny kezeŋıne daiyndyq aldyn ala bastalǧanyn mälımdedı.
Bügınge deiın elorda aumaǧynan 4 million tekşe metrden astam qar şyǧaryldy. 16 myŋ aryq pen 700-ge juyq kärız jüiesı qardan tazartylǧan.
Qalalyq TJD basqarmasynyŋ bastyǧy Baqytjan Mäulenberdievtıŋ aituynşa, tötenşe jaǧdaidyŋ aldyn aluǧa bailanysty 16 punkt qarastyrylǧan. «2700 adamǧa deiın qabyldau orny bar. Su tasqynyna qarsy 586 jeke qūram jäne 160-tan asa tehnika, 65 motopompa qūramy qūrylǧan. Jalpy bas qalada su basatyn qauıptı aumaq köp emes, – dedı TJD ökılı.
Mäselen, 2023 jyldyŋ qyrküiegınde qalanyŋ 20 su tasqyny qaupı bar uchaskelerı zerttelıp, audan äkımderıne qajettı şaralardy qabyldau, atap aitsaq, kanaldardy tazalau jäne töseu, aryq jüiesın ornatu jäne t.b. turaly ūsynystar aityldy.
«Bügıngı taŋda kommunaldyq qyzmetter qaladan 4,5 mln tekşe metrden asa qar şyǧardy. 17 myŋnan astam quma metr aryq-naua jelısı, 160 quma metr kollektorlar, 713 dana jaŋbyr qabyldau qūdyqtary tazartyldy, 130 quma metr qūbyr retteldı. «Astana Tazalyq» bazasynda 2,5 myŋ (2213 m3) tekşe metr qūm men ūsaq tas (135 m3) kölemınde inerttı materialdar qory daiyndaldy, taǧy 11 myŋ tekşe metr inerttı materialdardy (9 800 m3 qūm jäne 1 943 m3 dresva) jetkızuge kelısımşart bar» dep habarlady TJD.
Būdan basqa, TJ jaǧdaiynda azyq-tülık pen janar-jaǧarmai materialdaryn jetkızuge 12 memorandum jasaldy.
«1 aqpannan bastap Astana qalasy äkımınıŋ orynbasary saparlar şeŋberınde su tasqyny qaupı bar uchaskelerdı komissiialyq tekseru boiynşa jūmysty jalǧastyrdy. Su tasqyny qūbylystaryna uaqtyly den qoiu maqsatynda jeke qūramnyŋ 586 adamynan, 156 bırlık tehnikadan, 65 motopompadan tūratyn azamattyq qorǧau qyzmetterınıŋ jalpy toby qūryldy» dep atap öttı vedomstvoda.
Sondai-aq TJD qala tūrǧyndary men qonaqtaryn üi maŋyndaǧy aumaqtan köşenıŋ jol boiyndaǧy bölıgıne qardy uaqtyly tazartuǧa, üiden aǧyndy aryqtarǧa nemese su ötkızgış qūbyrlarǧa su būrǧyştar ūiymdastyruǧa, su jürgızu qūraldaryn aldyn ala közdeuge şaqyrdy.
Tūrmystyq elektr sorǧylary, şelekter, kürekter jäne t.b. daiyn tūruy kerek. Su basqan jaǧdaida iKomek qalalyq monitoring ortalyǧynyŋ «109» nömırıne nemese qūtqaru qyzmetınıŋ «112» nömırıne dereu habarlau qajet.
