Sybailas jemqorlyq – qoǧam dertı

Sybailas jemqorlyq – qoǧamdaǧy eŋ qauıptı äleumettık qūbylys­tardyŋ bırı. Ol ekonomika men äleumettık qatynastardy ǧana emes, qoǧamnyŋ qūndylyqtary men moraldyq negızderın būzyp, memlekettık apparattyŋ tiımdı jūmys ısteuıne, eldegı tūraqtylyq pen qauıpsızdıkke de eleulı qater töndıredı.

Astana qalasynyŋ Ädılet departamentı osy qauıptı keseldıŋ aldyn alu maqsatynda öz qyzmetkerlerı arasynda sybailas jemqorlyq qūqyq būzuşylyqtar körınıs­te­rın boldyrmau, Qazaqstan Res­pub­likasy memlekettık qyzmetşılerınıŋ ädep kodeksı talaptarynyŋ qataŋ saq­taluy baǧytynda jüielı jūmystar jürgızude. Atap ait­qanda, jyl basynan berı osy tūrǧyda qūzyrly organdarmen bır­lese otyryp, bırneşe ret ügıt-nasihat jūmysy men seminar-keŋes, döŋgelek üstel mäjılısı ötkızıldı.
Qazır elımızde osy qauıp­tı ındetke qarsy bıtıspes küres jariialanuda. Memlekettık qyzmet pen sybailas jem­qorlyqqa qarsy ıs-qimyl äreketterın jüzege asyratyn arnaiy uäkılettı organ qaita qūryldy. Jazalaudyŋ qaitymsyzdyǧy ūstanymy da sättı jüzege asy­ryluda. Sondyqtan memlekettık qyz­metkerdıŋ atyna kır keltıretın äreketterden ärkımnıŋ de aulaq bolǧany jön. Mūndai zaŋ būzuşylyqqa qasaqana barǧandar qataŋ jazaǧa tartylady. Keiıngı kezde sybailas jemqorlyqqa qarsy zaŋnama qylmystyq jolmen alynǧan mülıktı tärkıleu, sybailas jemqorlyqqa qarsy ıs-qimyl jönındegı basşylardyŋ derbes jauap­kerşılıgı turaly erejemen tolyqtyryldy. Onda «müddeler qaqtyǧysy» degen ma­ŋyzdy tüsınık bar. Būl memlekettık qyzmetşılerdıŋ ja­uapkerşılıgınıŋ artuyna, olardyŋ äleumettık kepıldıkterınıŋ jaqsaruyna mümkındık jasauda.
Sybailas jemqorlyqpen küreste köp närse bükıl qoǧamnyŋ belsene atsalysuyna bailanysty. Äleumettık jelı­nıŋ, özge de media-resurstardyŋ damuy jaǧdaiynda sybailas jemqorlyqqa qarsy ıs-ärekettı ony jalpy jūrtşylyq bolyp qarsy tūratyndai därejege jetkızgen jön.
Qoryta aitqanda, jemqorlyqqa qarsy küreste barlyq adamdardyŋ zaŋ men sot aldynda teŋdıgın saqtap, jeke jäne zaŋdy tūlǧalardyŋ būzylǧan qūqyqtary men zaŋdy müddelerın qalpyna keltıru, sybailas jemqorlyq pen qūqyq būzuşylyqtyŋ ziian­dy zardaptaryn joiu, olardyŋ aldyn alu jäne barlyq memlekettık organdar men lauazymdy adamdar öz qūzıretı şegınde küres jürgızıp, jem­qorlyqpen küres jalpyǧa ortaq mındetke ainalǧanda ǧana būl keseldıŋ tamyryna balta şabylary sözsız.

Maiia AMANTAEVA,
Astana qalasy Ädılet
departamentı bölım
basşysynyŋ mındetın
atqaruşy