Biyl ötken Astana qalalyq mäslihatynyŋ sessiialarynda ärtürlı mäseleler boiynşa 100-den astam şeşım şyǧaryldy. Jalpy, osy jyldyŋ 11 aiynda mäslihat deputattarynyŋ jeke qabyldauynda – 1172 adam, «Nūr Otan» partiiasynyŋ qoǧamdyq qabyldauynda 106 adam boldy. Osynyŋ qorytyndysynda 1300 mäsele qaraldy. Halyq, negızınen, joldardyŋ qūrylysy men qaita salynuy, qala aumaǧynyŋ abattandyryluy men sanitarlyq jaǧdaiy, tūrǧyn üi qorynyŋ tehnikalyq ahualy, äleumettık jäne medisinalyq kömek körsetu, özge de özektı mäselelerdı köterdı.
Jaqynda ötken qalalyq mäslihattyŋ HHIII sessiiasynda deputattar qala tırşılıgıne qatysty bırqatar syn-eskertpelerdı, ūsynystardy jetkızdı. Sonyŋ ışınde elordanyŋ äleumettık-ekonomikalyq damuy, aimaqtyq investisiialyq saiasatty jüzege asyru men Astanaǧa investisiialardy tartu strategiiasyn qalyptastyru, biudjet, ekonomika, önerkäsıp jäne käsıpkerlık mäselelerı qozǧaldy. Bır eskeretın jaǧdai, ol mäselelerdıŋ bärıne qala basqarmalary tiıstı jauap berdı.
Osy jyly Astananyŋ orta mektepterıne bes qosymşa ǧimarat salynyp, paidalanuǧa berıldı. Deputat Ramziia Umerbaeva atalmyş nysandardyŋ oqu oryndaryndaǧy tyǧyzdyqty azaituǧa bıraz septıgın tigızgenın aita kelıp, būl jūmysty jalǧastyrudy ūsyndy. Osynyŋ sebebın ol japsarlas ǧimaratty qajet etetın mektepter älı de bar ekendıgımen tüsındırıp, №59 mektep-lisei jäne №75 mektep-gimnaziiasynan osyndai ötınış tüskenın jetkızdı. Sondai-aq, Şūbar tūrǧyn alabynda mektep qūrylysyn bastau asa özektı mäselege ainalǧanyn aitty. Deputattyŋ sözınşe, qosymşa ǧimarattardy kerek-jaraqpen jabdyqtau ısı de tiıstı deŋgeide emes. Qarapaiym mäsele – partalardyŋ özı jetkılıksız bolyp otyr.
Oǧan Bılım basqarmasy tarapynan qazırgı taŋda 11200 orynǧa şaqtalǧan 10 mektep pen 1 qosymşa ǧimarattyŋ qūrylysy bastalǧanyn, būl jaǧdai 5 mekteptıŋ tyǧyzdyǧyn azaityp, üş auysymdyq 3 mekteptıŋ mäselesın şeşetındıgı aityldy. Al №59 mektep-liseide 3042 oquşy ekı auysymda, №75 mektep-gimnaziiasynda 3028 oquşy üş auysymda oqyp jatyr. Qazırgı taŋda atalmyş oqu oryndaryna qosymşa ǧimarat salu mäselesı qaralyp jatyr. Al Şūbar tūrǧyn alabynda mektep qūrylysyn 2020 jyly bastap, 2021 jyly aiaqtau josparlandy. Kelesı jyly mektepterdı jabdyqtau boiynşa da biudjettık komissiiaǧa qosymşa qajettılıkter turaly ötınış jıberıldı.
Qūrylys basqarmasynyŋ mälımetınşe, bügıngı taŋda №57 jäne 64 mektepterge qosymşa ǧimarat salu boiynşa jobalyq-smetalyq qūjatty äzırleu jūmysy aiaqtaldy. №24, 28, 31, 40, 51, 52, 60, 68 mektepterge qatysty tiıstı qūjatty äzırleu jūmysy jalǧasuda.
Deputat Zeinolla Şıbkenov Öndırıs tūrǧyn alaby men Kirpichnyi kentınde joldardy salu men jaryqtandyru mäselelerın kötergenıne 5 jyl bolǧanyn aityp, Jaŋajol köşesındegı joldy salu mäselesı şeşılmei kele jatqanyn, üş jyl būryn Jazyq köşesındegı joldyŋ qūrylysy bastalyp, aiaqtalmaǧanyn jetkızdı. Būl jaǧdai halyqtyŋ tūrmysyna kerı äser etıp otyrǧanyn, mäselen, būl joldarda jiı bolatyn kölık keptelısterınen jedel järdem kölıgı keşıgıp keletının aitty. Öndırıs tūrǧyn alabyndaǧy medisinalyq nysandy keŋeitu mäselesı de şeşılmegenıne bıraz uaqyt öttı.
Avtomobil joldary basqarmasy men Energetika basqarmasynyŋ mälımetterıne süiensek, biyl Astana qalasynyŋ şetkerı aimaqtaryn damytu tūjyrymdamasy aiasynda 18 köşenıŋ joldary jöndeldı. 2018 jyly 25 köşe jöndeudı qajet etedı. Astana qalasyn damytudyŋ bas josparyna säikes Öndırıs tūrǧyn alabynda joldar men injenerlık jelılerdı saludyŋ jaŋa jobasy äzırlene bastady. Onyŋ ışıne jalpy ūzyndyǧy 10,1 şaqyrymdy qūraityn 20 köşe enıp otyr. Jaŋajol köşesın keŋeitu boiynşa biudjettık ötınışhat jıberıldı. Eger tiıstı qarjy bölınse, aldaǧy jyly jobalyq-smetalyq qūjat äzırlenedı.
Tūrǧyn üi basqarmasynyŋ mälımdeuınşe, Öndırıstegı otbasylyq-därıgerlık ambulatoriia alty qabatty tūrǧyn üidıŋ bırınşı qabatynda ornalasqan. Ambulatoriiany keŋeitu üşın sol bırınşı qabattaǧy ekı päterdı bosatu kerek. Olardyŋ ielerıne basqa päterler ūsynyldy. Onyŋ bıreuı ūsynylǧan päterge köşuge kelıstı. Ekınşısı bolsa bas tartty. Sol sebepten onymen päter auystyru turaly kelıssözder jürude. Bırınşı päter boiynşa bügınderı Densaulyq saqtau basqarmasynyŋ balansyna ötkızu jūmysy jürıp jatyr.
Astanadaǧy №1 İndustrialdy park aumaǧy infraqūrylymmen 65 paiyzǧa ǧana qamtylǧan. Osy mäselenı kötergen deputat Aman Aiupov negızgı mäsele ortalyq jylu jüiesıne tırelıp tūrǧanyn jetkızdı. Park aumaǧyndaǧy 41 nysannyŋ 10-yna ǧana jylu tartylǧan. Özge käsıporyndar ai saiyn jyluǧa 2-3 mln teŋgeden böluge mäjbür.
Deputattyŋ aituynşa, būl problemaǧa qosa park aumaǧyna jūmyskerlerdı äkelu mäselesı özektı. Mūnda bır ǧana qalalyq baǧdar – №64 avtobus keledı. Al onyŋ qatynau aralyǧy da tym köp. Būl baǧdar park aumaǧyn tügel qamtymaityn da bolyp otyr. Osy jaǧdai jūmyskerlerge qolaisyzdyq tudyruda. Äsırese, qys mezgılınde dalany aiaz qūrsaǧanda nemese boran soqqanda jūmysqa jetu üşın qinaluǧa tura keledı. Oǧan avtobus aialdamalarynyŋ joqtyǧyn qosyŋyz.
Būl mäsele boiynşa İnvestisiialar jäne damu basqarmasy deputatqa avtobus baǧytyn özgertu jäne qosymşa baǧdar jıberu mäselesı vedomstvoaralyq komissiia otyrystarynda qaralǧanyn habarlady. Qorytyndysynda «Astana LRT» kompaniiasy men Almaty audany äkımdıgı №64 avtobustyŋ baǧytyn özgertu jäne ūzartu jūmysyn jürgızgen. Al qosymşa baǧdar jıberu mäselesı zerttelu üstınde.
Jolauşylar kölıgı basqarmasy №1 İndustrialdy parkke bır ǧana avtobustyŋ keletının aumaqta tūrǧyn üiler, sauda ortalyqtary, qonaqüiler, emhanalar jäne özge de äleumettık nysandardyŋ joqtyǧymen tüsındırdı. Osy sebepten atalmyş basqarma qyzmettık tasymaldaudy ūiymdastyru maqsatynda tasymaldauşymen jeke kelısımşart jasaudy ūsyndy.
Deputat Saiat Batpenov oǧan №1 İndustrialdy parktegı käsıpkerlerden käsıporyndardy jaryqtandyru jönınde ötınış kelıp tüskenın jetkızdı. Energetika basqarmasy tarapynan park aumaǧyn jaryqtandyru, sumen jäne jylumen qamtu jūmystaryn tolyǧymen aiaqtau aldaǧy jyldyŋ aiaǧyna deiın josparlanyp otyrǧany, tiıstı jobalar «Gosekspertiza» mekemesınıŋ qarauynda jatqany aityldy.
Amanǧali QALJANOV
