Qyzylorda oblysynyŋ äkımı Qyrymbek Köşerbaev «Arqaǧa kelıp, arqa-jarqa bolyp jatqan jaǧdaiymyz bar. Biyl bız üşın quanyşty jaǧdai Syr öŋırınıŋ kürışşılerı rekordtyq körsetkışke qol jetkızıp, gektarynan 49 sentner önım aldy. Osynda kelıp, auyl şaruaşylyǧy ministrımen, «KazAgro» basşylarymen josparlarymyzdy talqyladyq. Qaladaǧy zäulım ǧimarattardy da körıp, köterılıp qalyp jatyrmyz. Bız Astanaǧa qarap boi tüzeimız» dep, osyndai mümkındıktı tuǧyzǧan İmanǧali Nūrǧaliūlyna rizaşylyǧyn bıldırdı. Elordalyqtar öŋırler ūsynǧan mädeni baǧdarlamaǧa da susyndap qaldy.
Elımızdegı eŋ ırı astyqty ölkede ösetın arpa, bidai, sūly sekıldı dändı daqyldardan körme ūiymdastyryldy. Sondai-aq, ekı öŋır köz tartar qolöner būiymdaryn el nazaryna şyǧardy. Qostanaidan arnaiy kelgen belgılı kompozitor Qalibek Derıpsaldinnıŋ jäne Syrdan jetken jerlesterın qoldaǧan Elena Äbdıhalyqovanyŋ salǧan änderı halyq köŋılın köterıp tastady. Ärine, olardan basqa da önerpazdar önerlerın körsettı. Jalaǧaş audanyndaǧy «Bai Tabyn» JŞS men «Miraj» şarua qojalyǧy qonaqjailylyq tanytyp, özderı tıkken kiız üiden talai adamǧa däm tatyrdy. Arzan baǧaǧa satylǧan Araldyŋ balyǧyn, Syrdyŋ aqtalǧan kürışın aluşylar qarasy mol boldy. Bır «ättegen-aiy» järmeŋke bır kün ǧana jürdı. Sondyqtan da şyǧar, keibır önımderdıŋ az äkelıngenı bılındı. Mäselen, Rudnyi qalasyndaǧy «Jas qanat – 2006» qūs fabrikasy äkelgen 18 myŋ jūmyrtqa tüske deiın-aq ötıp ketıp, köp tūtynuşyǧa jetpei qaldy.
Kartop ta däl osylai tez satyldy da kettı. Bıraq, ökınetındei negız joq. Alda älı ekı järmeŋke bar. Sol kezde jetpei qalǧan azyq-tülık türın satyp aluǧa bolady.
Amanǧali QALJANOV
