Soŋǧy künderı äleumettık jelıde dastarqandy da qarapaiym jasauǧa şaqyrǧan jäne sondai bastamany özderı bas bop bastaǧan azamattardyŋ äreketıne jūrt süiınış bıldırıp, «bärekeldı» aityp jatyr. Qonaq şaqyrǧanda atşaptyrym dastarqan jaiyp, oǧan qūstyŋ sütınen basqanyŋ bärın qoiyp artyq şaşyludyŋ basy artyq jūmys ekenın aityp, üiıŋe qonaq şaqyrsaŋ, bır-ekı türlı negızgı tamaq pen ekı-üş salat, jemıs-jidek qoisaŋ jetkılıktı degen oryndy ūsynysqa bız de qoldau bıldırıp, äleumettık jelıde bölısıp edık, jūrt ta quana qoldau körsetıp, japa-tarmaǧai körıp jatyr.
«Asyŋ barda el tany berıp jürıp, atyŋ barda jer tany jelıp jürıp» dep maqaldaityn qazaq halqy meimandos, qonaqjai. «Qonaq öz rizyǧymen keledı» dep qaraityn halqymyz üiıne qonaq şaqyrmasa otyra almaidy. Soǧym basy, nauryz köje, omyrtqa, auyzaşar, mäulıt dep qonaqqa şaqyratyn qazaq soŋǧy kezde tuǧan kün, äielder merekesı syndy atauly künderdı de basqosusyz ötkızbeitın boldy. Quanyş, jūbanyşta bır dastarqan basynda otyryp, as ışıp, äŋgımelesu, ärine, berekenıŋ, jaqyndyqtyŋ belgısı. Degenmen osy jaqsy dästürımızge soŋǧy kezderı ysyrapşyldyq ta aralasyp, tamaq pen uaqyttyŋ ysyrapşyldyǧy barǧan saiyn asqynyp barady. Iаǧni būryn etın asyp, bauyrsaǧyn pısırıp, tabylsa, qūrt-mai, ırımşıgın qoiyp qonaq şaqyratyn qazaq qazır üstelge kemınde 10-20 türlı tamaq qoimasa, qonaqtan ūiat bolady dep qymsynatyn boldy. Ärine, qazır zaman jaqsy, eşkım aş jürgen joq. Bıreu qonaqqa şaqyrsa, jeiın dep emes, syilastyq üşın barady. Qonaq qanşa jeidı, aldynda tūrǧan soŋ, auyz tiedı de qoiady. Sonymen, qonaq iesınıŋ bır apta şapqylap, uaqytyn ysyrap etıp, qyruar aqşa jūmsap alǧan tamaǧy sol betı jelınbei qalady. Bır qonaq şaqyru üşın sol taǧamdy daiyndap äielı, qyzy, kelını tūmsyǧynan şanşylyp, şarşap, ūrynyp jyǧylady. Dastarqanǧa qoiylǧan ydystyŋ özın qaita juyp-şaiyp tazalauǧa bır kün uaqyt ketedı. Mıne, bır qonaq şaqyrudyŋ arǧy jaǧynda osyndai ysyrapşyldyq jatyr. Būl – qazırgıdei uaqytpen jarysqan bılım-ekonomika däuırıne üilespeitın ädet. Onyŋ üstıne, kelgen qonaq tabaǧyŋa emes, qabaǧyŋa qaraitynyn eskersek, artyq şaşyludyŋ tük te qajetı joq.
