Tabiǧi resurstar basqarmasy jäne arnaiy komissiia ökılderı elordada arnaiy reid ötkızdı
Komissiia Bauyrjan Momyşūly daŋǧylyndaǧy 15/3 üidıŋ tūrǧyndarynyŋ şaǧymy boiynşa atqa qonǧan edı.
Astana qalasy Tabiǧi resurstar men tabiǧat paidalanudy retteu basqarmasy, «Astana Eko-Poligon NS» memlekettık kommunaldyq käsıporny qyzmetkerlerı men tärtıp saqşylarynan qūralǧan komissiia ökılderı elordada arnaiy reid ūiymdastyrdy.
Būl joly komissiia Bauyrjan Momyşūly daŋǧylyndaǧy 15/3 üidıŋ tūrǧyndarynyŋ şaǧymy boiynşa atqa qonǧan edı. Būl üidıŋ artqy jaǧynda ülken qūrylys orny bar eken. Tereŋdıgı ekı qabatty tūrǧyn üidıŋ biıktıgıne jaqyndaityn ülken şūŋqyrdyŋ aumaǧy at şaptyrym jerdı alady. Bırazdan berı toqtap qalǧan qūrylys alaŋy qorşalmaǧan. Aşyq-şaşyq jatyr. Ainalasyn kül-qoqys jailap ketken. Şūŋqyrdyŋ keibır jerlerıne kül-qoqys tola bastaǧan.
Tūrǧyndar äkımdıkke joldaǧan şaǧymynda «tura Astananyŋ ortasynda at şaptyrym qūrylys aumaǧy üiımızdıŋ siqyn alyp tūr, üiımızdıŋ maŋyna jaqyndaudyŋ özı bır mūŋ» degen eken. Aitsa aitqandai, kül-qoqystan bölek, köpten qarausyz jatqan tehnika türlerı de ainalanyŋ bereketın ketırıp tūrǧandai. Köpten tūryp qalǧan saqaldy qūrylystyŋ äu basta tiıstı talaptary saqtalmaǧan. Qala ortasyndaǧy ülken qorqynyşty apanǧa tüngı mezgılde kele jatyp tüsıp ketuıŋız de ǧajap emes.
«Qūrylys jūmystary bastalmas būryn onyŋ ainalasy qorşaluy tiıs edı. Basqa da qauıpsızdık talaptary saqtaluy kerek bolatyn. Qūrylysşy kompaniia basşylaryn däl qazır tabu mümkın emes. Sondyqtan būl jaidy Qūrylys basqarmasyna mälımdep, tiıstı şara qabyldauyn sūraimyz», – dep tüsındırdı bızge «Astana Eko-Poligon NS» MKK direktorynyŋ orynbasary Dulat Öskembaev.
Būdan soŋ arnaiy komissiia Alaş tas joly boiyndaǧy «Alaş» köterme sauda ortalyǧyna bardy. Ortalyq bazar maŋyndaǧy būl sauda orny ülken aumaqty alyp jatyr. Däl osy jerge elımızdıŋ ärtürlı aimaǧynan, basqa da alys-jaqyn jerlerden ülken jük kölıkterınıŋ keruenı keledı. Sondyqtan sauda ornynyŋ ışkı aumaǧynda da sauda-sattyq qyzyp jatady.
Osy bazardyŋ artqy jaǧynda ekı-üş üidıŋ ornyn qamtityn şūŋqyrlau jer bar eken. Bır kezde qūrylys jürgızu üşın qazǧan boluy kerek, keiın osylai aiaqsyz qalyp qoiǧan siiaqty. Ülken aumaqty alyp jatqan şūŋqyrdyŋ ışı suǧa tolyp, borsyp ketken. Sasyq iısı qolqany qabady. Mūndai jerge ärkımnıŋ qoqys qaldyǧyn laqtyra beretını tüsınıktı. Sonyŋ däl janynda azyq-tülıktıŋ neşe türı satylady. Komissiia müşelerı «Alaş» köterme sauda ortalyǧynyŋ basşylyǧyn şaqyryp, sanitarlyq jäne basqa da talaptardyŋ öreskel būzylyp jatqanyn jaqsylap tüsındırdı.
«Bızdıŋ maqsatymyz – sızderdı bırden jazalau emes, tüsındıru jūmystaryn jürgızıp, tärtıpke şaqyru. Qala tazalyǧyn qalypty ūstau üşın sızder siiaqty jeke jerge ielık etetın adamdardyŋ da būǧan janaşyrlyǧy kerek. Sondyqtan, sızderden būl aradaǧy tazalyqty on kün ışınde retke keltırudı sūraimyn. Azyq-tülık satylatyn jer mūndai las bolmauy kerek. Bügınnen bastap būl jaǧdaidy tärtıp saqşylary qadaǧalap otyrady. Eger tazalyq jönge kelmese, tiıstı äkımşılık jazalar qoldanylady. Ülken mölşerde aiyppūl öndırıledı. Būl sızderge de oŋai timeidı. Sondyqtan, mūny aiaqsyz qaldyrmaŋyzdar», – dep eskerttı memlekettık kommunaldyq käsıporyn ökılı.
Meŋdolla ŞAMŪRATOV
