«Nūr Otan» partiiasy Astana qalyq filialynda partiia men qalalyq käsıpkerler palatasy arasyndaǧy özara jüielık qarym qarym-qatynasty ūiymdastyruǧa, otandyq käsıpkerlerdıŋ bäsekege qabılettıgın arttyru, käsıpkerlık bastamalarǧa qūqyqtyq, ekonomikalyq, äleumettık jaǧdai jasauǧa baǧyttalǧan ıs-şara öttı.
– Elordadaǧy şaǧyn jäne orta biznestı damytu qarqyndy damyp keledı. Memlekettık baǧdarlamalar aiasynda jobalar jüzege asyrylyp, onyŋ oŋ nätijesı jemısın berude. Osy baǧyttaǧy memlekettık saiasatty ıske asyruda özındık ülesımız bar. Sol sebeptı bügın «Nūr Otan» partiiasy Astana qalalyq filialy men Astana qalasynyŋ Käsıpkerler palatasy arasynda memorandumǧa qol qoiyp, bırlese jūmys ısteu ädısterın aiqyndamaqpyz. Ondaǧy maqsatymyz – käsıp basynda jürgenderge qolaily orta jasap, ony damytu arqyly el ekonomikasyndaǧy basymdylyqqa qol jetkızuge qoldau körsetu, – dedı «Nūr Otan» partiiasy Astana qalalyq filialy Töraǧasynyŋ Bırınşı orynbasary Edıl Mamytbekov.
Qaladaǧy käsıpkerlıktıŋ damu üderısıne toqtalyp ötsek, aǧymdaǧy jarty jyldyqta 129 643 şaǧyn jäne orta biznes subektılerı tırkelgen. Būl ötken jyldyŋ osy merzımdegı kezeŋımen salystyrǧanda 6,7 paiyzǧa köbeigenın körsetedı. Önerkäsıp öndırısınıŋ kölemı 145,5 mlrd teŋgege qūrap, ötken jylǧy osy kezeŋmen salystyrǧanda 43,2 mlrd teŋgege artqan. Sauda salasyna qūiylǧan investisiialar ötken jyly 16,6 mlrd teŋgenı qūrady. 2011 jyldyŋ körsetkışımen salystyrǧanda, 3 esege köbeigenın körsetedı. Qalada 25 sauda bazary, 8 sauda-oiyn sauyq ortalyǧy, 13 sau-da jelısı, 4000 düken jūmys ısteidı. 197 myŋnan astam adam osy salada eŋbek etıp jür.
Qala biznes qauymdastyǧynyŋ damuynda memlekettık baǧdarlamalardyŋ da aitarlyqtai orny bar. «Biznestıŋ jol kartasy – 2020» boiynşa osy künge deiın 61 joba, Astana qalasyndaǧy şaǧyn jäne orta käsıpkerlıktı aimaqtyq qarjylandyru baǧdarlamasymen 1 547,8 mln teŋgenı qūraityn 14 joba maqūldanǧan. Jastar käsıpkerlıgı ekpın alyp keledı, osy baǧytta 43 joba qoldau körsetılıp, jüzege asyryluda.
Aigül UAISOVA
