– Men – täuelsız eldıŋ ūlanymyn. Täuelsızdık – elımnıŋ baǧa jetpes bailyǧy. Elımız egemendıktıŋ besıgınde terbelıp jatqanyna da 30 jyldan asty. Osy uaqyt ışınde Qazaqstan älemde jeke-dara derbes el ekenın däleldei bıldı. Şegelengen şekarasy, dästürlı dını men tereŋ tılı, memlekettık rämızderı men ūlttyq qūndylyqtary, mädenietı men salt-dästürı bar zaiyrly elge ainaldy.
1991 jyly 16 jeltoqsanda älem kartasynda jaŋa, jas memleket Qazaqstan Respublikasy paida boldy. Erjürek te ruhty batyr babalarymyz bolmasa, bız bügın beibıt künnıŋ aq taŋyn sezıne alar ma edık?! Ärıge barmai-aq, keşegı 1986 jyly jeltoqsanda alaŋǧa şyqqan aibyndy aǧalar men apalarymyz bolmasa, azat eldıŋ aq taŋyna, osy künge jeter me edık?! Olardyŋ otansüigıştıgı, biık ruhy, ūltqa degen süiıspenşılıgı bolmasa bügıngı jetıstıkterımızge jetuımız ekıtalai edı. Sondyqtan bız eŋ aldymen, täuelsızdıkke qol jetkızu jolynda janyn qiyp, qanyn tökken ata-baba amanatyn qasterleuge mındettımız. Ata-babalar äruaǧyna myŋ taǧzym!
Bügın bız ata-baba arman etken täuelsızdıkke qol jetkızgen, alys, jaqyn şet elderde abyroiy asqaq, damuşy elderdıŋ qatarynda kele jatqan, oŋy men solyn ajyratar elge ainaldyq. Rämızderımız sailauly, köŋılımız jazdyŋ jaima-şuaq künındei, jeltoqsannyŋ yzǧary jüregımızdı bır qaryp ötkenmen, sol jastardyŋ arqasynda täuelsızdıgımız esık aşqany köŋılge quanyş ūialatady. «Mırjaqyp. Oian, qazaq!» filmın körgen kezde men şynymen özımnıŋ baqytty ūrpaq ekenımdı sezdım. Bızdıŋ osyndai baqytty da, alaŋsyz künderımız üşın jasaǧan janqiiar erlıkterın bala jüregımmen tüisındım. «Men jastarǧa senemın!» degen Maǧjan aqynnyŋ sözın jüregımmen sezındım.
Elımızdıŋ bolaşaǧy üşın janyn berıp, osy kündı bızge tabystap ketken bozdaqtardy ardaqtau, azattyqty baǧalau, qasterlei bılu – ärbır qazaqstandyq azamattyŋ paryzy.
Sondyqtan, täuelsızdıktıŋ aq taŋy mäŋgılık bolu üşın ärbır adam öz ısınıŋ mamany bolyp, bılımge ūmtylyp, eŋbekqorlyqpen elge, jerge degen süiıspenşılıgın tanytyp, elımızdıŋ yntymaq, bırlıgınıŋ būzylmauyna atsalysuy tiıs.
Men – jas tülekpın. Abaidyŋ öleŋderın jatqa oqimyn, özım de öleŋ jazamyn. Respublika, qala boiynşa ötken oquşylar arasyndaǧy olimpiadalardyŋ, öner baiqaularynyŋ jüldegerımın.
Qostanai oblysy Arqalyq qalasynda düniege kelgen men jasymnan oquǧa, öleŋ jattauǧa, mätın aituǧa qyzyqtym. 10 synyptan bastap Astanadaǧy osy Abai mektebınde bılım alyp jürmın. Bolaşaqta qazaq tılı men ädebietı pänın taŋdap, filolog bolǧym keledı. Abaidyŋ öleŋderın jattauyma pedagog bauyrlarym äser ettı. Qazır men Abaidyŋ taǧylymǧa toly 165 öleŋın jatqa aita alamyn. Elıme erekşe eŋbekqorlyǧym men bılımım arqyly, önerımmen tittei, teŋızdıŋ tamşysyndai bolsa da septıgımdı tigızıp, jaqsy adam, jaqsy maman bolǧym keledı, osylai äreket etsek qana täuelsızdıgımız tūǧyrly, azattyǧymyz aibyndy bola bermek!
Ūlpan ARǦYNBAEVA,
Abai Qūnanbaiūly atyndaǧy №87 mektep-
gimnaziianyŋ 11-synyp oquşysy
