Astana qalasynyŋ 15 jyldyq mereitoiy qarsaŋynda ötkızılıp jatqan öz ısıne ülken jauapkerşılıkpen qaraityn adal qyzmetkerlerdıŋ abyroi-bedelın köteretın «Astana taŋdauy-2013» baiqauyna ūsynylyp otyrǧan ümıtkerlerımızdıŋ bırı – därıger Taŋat Jylgeldinov.
№1 qalalyq auruhanaǧa Taŋat Amantaiūlyn ızdep barǧanymyzda, jūmys dese jūmyr basy damyl körmeitın janǧa qaraluǧa jazylǧn adamdar kabinetınıŋ aldynda qaptap tūr eken. Tılşı keldı degenıne qaramastan, äuelı tört-bes adamdy qabyldady.
– Nauqastar da müsäpır jandar. Olardy ūzaq saryltyp, küttırıp qoiuǧa bolmaidy, – dep bızge tüsınıstıkpen qarauyn ötındı.
Nebärı 29 jastaǧy jas maman bügın №1qalalyq auruhana turaly tūrǧyndar arasynda oŋ közqaras qalyptastyruǧa bır kısıdei atsalysyp jür.
Ol 1984 jyly tamyz aiynyŋ ekınşı jūldyzynda Pavlodar oblysy, Baianauyl audanynyŋ Maiqaiyŋ auylynda düniege kelgen. Sol jerdegı № 2 orta mekteptıŋ 2001 jylǧy tülegı.
Sol jyly Qaraǧandy medisinalyq akademiiasyna tüsıp, ony 2007 jyly tämamdap, 2007-2008 jyldary «Otorinolaringologiia» internaturasyna barady. Al, 2009 jyly lor mamandyǧy boiynşa rezidenturany bıtıredı. Onymen qosa, jas därıgerımız Germaniia men İzrailde de bılım alǧan. 2009 jyldyŋ küz mezgılınen berı elordamyzdyŋ jaŋa paidalanuǧa berılgen zamanaui jabdyqty auruhanasynda därıger-ordinator retınde qyzmet atqaryp keledı.
Jaqsy därıger bolu üşın ol mamandyqqa qyzyǧuşylyqpen kelu azşylyq etedı. Aq halattylar abyroiyna kır keltırmei, adam ömırıne jauapkerşılıkpen, janaşyrlyqpen qaraulary kerek. Tar jerde tabandylyq, tapqyrlyq qajet. Därıger Taŋat Amantaiūlynyŋ boiyna osy qasietterdıŋ barlyǧy daryǧan.
Osy künge deiın köptegen jandardyŋ ömırlerıne araşa tüsu maqsatynda ota jasap, ǧūmyryn ūzartty. Al, otorinolaringologiia bölımınıŋ bas därıgerı demalysqa şyqqanda, özınıŋ jūmysyn Taŋat Amantaiūlyna senıp tapsyratyndyǧy onyŋ öz ısıne nemqūraily qaramaityndyǧyn bıldırse kerek.
Qandai syrqatpen kelmesın, barlyq nauqasty jyly şyraimen qarsy alyp, mūqiiat emdep, aiaqqa tūruyna barynşa küş-jıgerı men bılım-bılıgın salatyn Taŋat Amantaiūlyna jūrttyŋ alǧystan basqa aitary joq.
Osy künı qiynşylyǧy köp ūzaq jol dep medisina mamandyǧyna jastardyŋ köbı bara bermeidı. Ūzaq jyl oquynan, adamdar aldyndaǧy jauapkerşılıkten syrǧaqtaidy. Al, oqyp kelgenderınıŋ özın qaita tärbieleuge, şyŋdauǧa tura keletının aǧa buyn medisina maitalmandary aityp jür. Özınıŋ aǧabuyn ärıptesterınıŋ aituynşa, Taŋat ondai olqylyqtardan ada, mamandyǧyna şyn berılgen jan.
Altynai BAIDAQOVA, A.Baitūrsynov atyndaǧy
Qostanai memlekettık universitetınıŋ 2-kurs studentı
