Juyrda Astana qalalyq mäslihatynyŋ kezektı otyrysynda elordadaǧy onomastikalyq ataular talqylandy. Dälırek aitqanda, köşelerge atau beru nemese olardy qaita atau, mektepter men bırqatar mädeni oşaqtarǧa tūlǧalarymyzdyŋ atyn beru mäselelerı ortaǧa salyndy.
Köterılgen mäselelerdıŋ bırı Jūmabek Täşenovtıŋ esımıne qatysty boldy. Qalalyq onomastikalyq komissiiaǧa Jastar teatryn osy memleket jäne qoǧam qairatkerınıŋ atyna beru ūsynysy kelıp tüsıptı. Būl jönınde älı naqty şeşım şyqqan joq. Qalalyq mäslihattyŋ aldaǧy otyrystarynda atalmyş mäsele älı de qaralatyn bolady. Jūmabek Täşenov ūlyqtauǧa tūratyn tūlǧa ekenı dau tudyrmaidy. Alaida onyŋ aty teatrǧa laiyq pa? Bız osy sūraqty önerge janaşyr oqyrmandarymyzǧa qoidyq.
Öten AHMET, jazuşy:
– Jūmabek Täşenov – memleket qairatkerı retınde tym auqymdy tūlǧa. Teatrdy oǧan qomsynǧanym emes, degenmen är närsenıŋ de öz retı bolady. Ol kısınıŋ atynda Astanamyzda jyl ötken saiyn körıktene tüsetın ülken köşe bar. Jūmekeŋnıŋ qairatkerlık tabiǧatyna ǧylymi mekeme, älde bıregei oqu orny laiyǧyraq bolar ma edı dep oilaimyn.
Teatrǧa mädeniet, öner salasynda aitarlyqtai eŋbek sıŋırgen, ız qaldyrǧan tūlǧanyŋ aty berılgenı jön siiaqty. Negızı «Jastar teatry» degen tırkes būldyr. «Jastar drama teatry» dese, tüsınıktırek bolatyn şyǧar.
Tolqyn SŪLTANOVA, aktrisa:
– Jastar teatryna qazaq önerınıŋ janaşyry, qanşama teatr, muzei, filarmoniialardyŋ aşyluyna, örken jaiuyna ūiytqy bolǧan azamat Özbekəlı Jənıbekovtıŋ atyn berse deimın.
Özım Torǧai öŋırınıŋ qyzy bolǧandyqtan, jasymnan Özaǧanyŋ osy oblystyŋ ösıp-örkendeuıne qosqan ülesı jaily estıp östım. Arqalyq qalasyndaǧy qazaq drama teatrynda jūmys ıstep jürgenımde de aǧa-apalarymyz ol kısınıŋ danalyǧy men parasattylyǧyn ünemı auyzdarynan tastamaityn.
Ölkelık mūrajaidyŋ aşyluyna sübelı üles qosqan memleket jäne qoǧam qairatkerı, saŋlaq etnograf, qazaq mädenietın zertteuşı Özbekälı Jänıbekovtıŋ esımı būl künde qazaq balasynyŋ qai-qaisysy üşın bolsyn qūrmettı. Ol – qazaq halqynyŋ ūlttyq mädenietınıŋ, ana tılınıŋ, dästürı men ädet-ǧūrpynyŋ jaŋaryp, damuyna eleulı üles qosqan önertanuşy, ǧalym. Sonymen qatar, Qazaqstannyŋ tüpkır-tüpkırınen şyqqan talanttardy jinap, ülken sahnaǧa joldama bergen kısı. Sondyqtan elordadaǧy Jastar teatryna Ö.Jänıbekovtei azamattyŋ atyn berse, nūr üstıne nūr bolar edı.
P.S. Jastar teatry byltyr būrynǧy K.Baiseiıtova atyndaǧy opera jäne balet teatry ǧimaratyna köşkenı belgılı. Soǧan säikes teatrdan qazaqtyŋ būlbūl änşısınıŋ atauy alyndy. Bızdıŋşe, «Küläş Baiseiıtova atyndaǧy Jastar teatry» atauyn bersek, ädılettılık qalpyna keler edı. Küläş Baiseiıtova 24 jasynda KSRO Halyq ärtısı atanǧany barşamyzǧa aian. Onyŋ üstıne qazaq teatrynyŋ negızın qalauşy adamdardyŋ bırı. Osy jaqtaryn baǧamdasaq, onyŋ aty Jastar teatryna berıluıne özınen-özı sūranyp tūrǧandai.
Daiyndaǧan: Amanǧali QALJANOV
