Ükımet basşysy Oljas Bektenov su tasqynyna qarsy ıs-şaralardy üilestıru jäne su tasqyny kezeŋınıŋ zardaptaryn joiu jönındegı respublikalyq ştabtyŋ otyrysyn ötkızdı. Ştabtyŋ negızgı mındetı – su tasqynyna qarsy ıs-şaralardy jürgızu jäne azamattardyŋ qauıpsızdıgın qamtamasyz etu jönındegı qyzmettı üilestıru. Ştab basşysy – Premer-ministr Oljas Bektenov, Premer-ministrdıŋ orynbasary Qanat Bozymbaev ştab basşysynyŋ orynbasary bolyp taǧaiyndaldy. Ştab qūramyna Prezident Äkımşılıgınıŋ basşylyǧy, ortalyq jäne jergılıktı atqaruşy organdardyŋ basşylary kırdı.
Otyrysta Memleket basşysynyŋ tapsyrmalarynyŋ oryndalu barysy jäne su tasqynyna qarsy ıs-şaralardy küşeitu şaralary turaly ministrler men öŋırlerdıŋ äkımderı tyŋdaldy.
Tötenşe jaǧdai aimaqtarynan barlyǧy 11306 adam evakuasiialandy. Uaqytşa ornalastyru beketterınde 5456 adam bar. Su şaiyp ketken 40 avtojoldy, köpırdı jäne 39 jol tösemın qalpyna keltıru jūmystary baqylauǧa alyndy. Kölık qatynasy toqtap qalǧan eldı mekendermen bailanys ornatylyp, äkımdıkter azyq-tülık pen därı-därmektıŋ qajettı qorlaryn daiyndady. TJ aimaqtaryndaǧy halyqqa kömek körsetu täulık boiy, onyŋ ışınde äue kemelerınıŋ kömegımen jüzege asyryluda. Jūmysqa 7 myŋnan astam adam, 2 myŋnan astam tehnika, onyŋ ışınde su aidau qūraldary, jüzu jäne äue kemelerı tartyldy.
Su qoimalary men özenderdegı jaǧdaiǧa monitoring jürgızılude. Qazırgı uaqytta Aqtöbe, Sazdy, Aşysu, Jartas su qoimalary tranzittık rejimde jūmys ıstep tūr, belsendı türde su jıberu jüzege asyryluda. Qarǧaly su qoimasy jinaqtau rejimınde. Äkımdıkter su tasqynynyŋ qaupı joǧary öŋırlerde aldyn alu şaralaryn jürgızıp jatyr. Qajet bolǧan jaǧdaida, qosymşa küşter men qūraldar jıberıledı.
Tötenşe jaǧdai saldarynan qiraǧan üilerdı qalpyna keltıru jūmystary men saluǧa QR Ükımetı men jergılıktı atqaruşy organdardyŋ rezervterınen qarajat bölınedı. Üiı apatty dep tanylǧan zardap şekken azamattardyŋ tızımın jergılıktı äkımdıkter jasaidy.
«Memleket basşysy su tasqynyna qarsy ıs-şaralardy qanaǧattanarlyqsyz dep synǧa aldy. Qazırden bastap apattan keltırılgen zalaldyŋ kölemın baǧalaudy bastap, zardap şekken adamdarǧa dereu materialdyq kömek körsetuge kırısu kerek. Sondai-aq bolaşaqta mūndai auqymdy su tasqynynyŋ aldyn alu üşın keşendı şaralar äzırleu qajet. Är öŋırde naqty ıs-qimyl jospary boluǧa tiıs» dep atap öttı ştab töraǧasy Oljas Bektenov.
Halyqqa qajettı kömek körsetıledı
Su tasqynyna qarsy ıs-şaralardy üilestıru jäne su tasqyny kezeŋınıŋ zardaptaryn joiu jönındegı respublikalyq ştab apattan zardap şekken öŋırlerdegı halyqqa medisinalyq kömek körsetu mäselesın erekşe baqylauda ūstaidy.
Medisinalyq ūiymdar küşeitılgen rejimde jūmys ısteude, därıgerler men jedel medisinalyq järdem brigadalary qosymşa tartyluda. Barlyq evakuasiialanǧandardy därıgerler qarap-tekserude, olardyŋ jaǧdaiy tūraqty, qandai da bır jaraqat alu turaly şaǧym tüsken joq. Jüktı äielder men balalardyŋ jaǧdaiyna baqylau jürgızılude. Bosanu uaqyty taiaǧan äielder audandyq jäne oblystyq ortalyqtarǧa köşırıldı. Densaulyq saqtau ministrlıgınde jaǧdaidyŋ kündelıktı monitoringı jürgızılude. Su tasqynynan zardap şekken öŋırlerdıŋ tūrǧyndary üşın medisinalyq jäne psihologiialyq kömektıŋ qosymşa brigadalaryn aşu üşın qyzmetterdıŋ daiyndyǧy qamtamasyz etıldı.
Halyqty uaqytşa jinau punktterınde täulık boiy medisinalyq posttardyŋ jūmysy qamtamasyz etıldı, därılık zattar men medisinalyq būiymdardyŋ qajettı qorlary daiyndaldy. Barlyq öŋırde sanitariialyq-epidemiologiialyq ahualdy baqylau jäne monitoring küşeitıldı.
Sonymen qatar jergılıktı jerlerde densaulyq saqtau mäselelerı boiynşa bailanys ortalyqtarynyŋ jūmysy bıryŋǧai algoritmmen täulık boiy jūmys ısteu rejimıne auystyryldy.
Şyǧyndy öteu tetıkterı talqylandy
Ükımette su tasqynyna qarsy ıs-şaralardy üilestıru jäne su tasqyny kezeŋınıŋ zardaptaryn joiu jönındegı respublikalyq ştabtyŋ otyrysy öttı. Onda su tasqynynan zardap şekkenderge keltırılgen şyǧyndy öteu tetıkterı men qarjylandyru közderı talqylandy.
Ştab jūmysy aiasynda Premer-ministrdıŋ orynbasary – Ūlttyq ekonomika ministrı Nūrlan Baibazarov tabiǧi sipattaǧy tötenşe jaǧdailardan zardap şekkenderge keltırılgen ziiandy öteuge qarajat jergılıktı atqaruşy organdar rezervınde közdelgenın baiandady. Zalaldyŋ aldyn ala mölşerın jergılıktı atqaruşy organ, Önerkäsıp jäne qūrylys, sondai-aq Tötenşe jaǧdailar ministrlıkterı aiqyndaidy. Qosymşa qajettılık tuyndaǧan jaǧdaida, qarjylandyru Ükımettıŋ rezervınen qarastyrylady. Is-äreket algoritmı:
1) materialdyq zardap şekkender TJ tuyndaǧan künnen bastap küntızbelık 30 kün ışınde jergılıktı atqaruşy organǧa materialdyq zalaldy öteu turaly ötınış beredı.
2) jergılıktı atqaruşy organ ötınış tırkelgen künnen bastap 10 jūmys künı ışınde keltırılgen zalaldyŋ mölşerın baǧalaudy ūiymdastyrady. Tūrǧyn üiı qauıptı dep tanylǧan zardap şekken azamattardyŋ tızımın jergılıktı äkımdıkter qalyptastyrady.
Sabaq onlain formatqa köşırıledı
Su tasqynyna qarsy ıs-şaralardy üilestıru jäne su tasqyny kezeŋınıŋ zardaptaryn joiu jönındegı respublikalyq ştab jūmysynyŋ aiasynda 88 bılım beru ūiymy törtınşı toqsandy qaşyqtan oqu formatynda bastaidy. Būl turaly QR Oqu-aǧartu ministrlıgınıŋ resmi ökılı habarlady. Qaşyqtan oqytu su tasqyny qaupı seiılmegen aumaqtardaǧy 56 mektepte, sondai-aq evakuasiialyq punktter retınde aiqyndalǧan 32 mektepte ūiymdastyrylyp otyr.
«Osy düisenbıden bastap 3 mln-nan astam qazaqstandyq oquşy üşın 2023-2024 oqu jylynyŋ törtınşı toqsany bastalady. Būl rette su tasqyny jaǧdaiy saqtalǧan öŋırlerdegı oquşylar qaşyqtan oquǧa köşırıledı. Jergılıktı jerlerde Oqu-aǧartu ministrlıgınıŋ aumaqtyq bılım beru salasynda sapany qamtamasyz etu departamentterı men öŋırlık bılım basqarmalary jūmys ısteude. Evakuasiialyq beketterdegı balalarǧa qajettı kömek körsetu üşın psihologiialyq qyzmetter ıske qosyldy. Balalar qaşyqtan oqu üşın qajettı oqu qūraldarymen, kiım-keşekpen jäne tehnikalyq qūraldarmen qamtamasyz etıldı. Evakuasiialanǧan 1-4-synyp oquşylaryn tamaqtanumen qamtu mäselesı boiynşa jūmystar jürgızılude» dep atap öttı vedomstvonyŋ resmi ökılı Mereke Amangeldıqyzy.
Oqu-tärbie prosesı memlekettık jalpyǧa bırdei bılım beru standarttaryna säikes ūiymdastyrylady. Sondai-aq täuekelderdı azaitu jäne tötenşe jaǧdaida bılım beru prosesın jalǧastyrudy qamtamasyz etu üşın Aqtöbe oblysyndaǧy kolledjder qaşyqtan oqytu formatyna auystyryldy.
Su tasqynynan zardap şekken öŋırler tūrǧyndary densaulyq saqtau basqarmalarynyŋ call-ortalyqtary boiynşa kelesı nömırlerge jügıne alady:
Aqtöbe oblysy: +7 (7132) 41 02 13
Qostanai oblysy: +7 (7142) 52 40 70
Batys Qazaqstan oblysy: +7 (7112) 24 00 06
Qaraǧandy oblysy: +7 (7212) 95 55 59
Abai oblysy: +7 (7222) 56 64 50
Ūlytau oblysy: +7 (7102) 99 95 09
Aqmola oblysy (109)
