Aqordada Elbasy Nūrsūltan Nazarbaev elımızge memlekettık saparmen kelgen Resei Federasiiasynyŋ prezidentı Vladimir Putinmen kezdestı.
– Sızdıŋ Qazaqstanǧa soŋǧy memlekettık saparyŋyz osydan tört jyl būryn boldy. Osynau uaqyt aralyǧynda bız qandai mäselede de közqarasymyzdy salystyryp, ekı jaqty qarym-qatynastyŋ özektı mäselelerın türlı oryndarda şeşıp otyrdyq. Qazaqstan men Resei – ärdaiym senımdı körşı boldy. Mūndai igı bailanys jalǧasa beretınıne senım mol, – dedı Elbasy.
Ekı eldıŋ özara bailanysyn damytudyŋ keleşegıne toqtalǧan Nūrsūltan Äbışūly Sochide būl mäseleler keŋınen talqylanyp, tiıstı qūjattar äzırlengenın, ekı eldıŋ qarym-qatynasy «HHI ǧasyrdaǧy tatu körşılık jäne odaqtastyq turaly» ırgelı kelısım negızınde damyp jatqanyn atap öttı.
Al, Resei basşysy Vladimir Putin ekı eldıŋ bailanysy serıktestık qana emes, tolyq maǧynasyndaǧy odaqtastyq qarym-qatynas degen bailamyn jetkızdı.
Bügınde reseilık 6 myŋǧa juyq kompaniia Qazaqstanda jūmys ıstep jatyr. Būl – dollarlyq ekvivalentpen eseptegende, mol kölemdegı investisiia jinaqtau degen söz. V.Putinnıŋ aituynşa, ekı jaqty qarym-qatynastyŋ barlyq jaǧy tiımdı damu üstınde. Būǧan qosa, innovasiialyq tehnologiialar, önerkäsıp, auyl şaruaşylyǧy salalary boiynşa bırlesken ırı jobalar da bar.
Aqordadaǧy kelıssözder aiaqtalǧannan keiın memleket basşylar brifing ötkızıp, bırlesken mälımdeme jasady. Elbasy Nūrsūltan Nazarbaevtyŋ aituynşa, būl – dostyq pen yntymaqtastyqqa qūrylǧan, bırlesken jobalardy naqty jüzege asyru mäselelerın talqylauǧa, yntymaqtastyqtyŋ jaŋa baǧyttaryn aiqyndauǧa arnalǧan kezdesu bolǧan.
Älbette, Qazaqstan men Resei prezidentterınıŋ būl jolǧy jüzdesuı būrynnan qalyptasqan strategiialyq serıktestıkke sony serpın berıp, tatu körşılıktıŋ tamyryn odan ärı tereŋdete tüskenı anyq.
