Memleket basşysy Nūrsūltan Nazarbaev «Täuelsizdiktiŋ 25 jyldyǧy» monumentın aşty. EKSPO-2017 körmesi aumaǧynda ornatylǧan monumenttıŋ 25 qyry Täuelsızdıktıŋ 25 jylyn, el tarihyndaǧy 25 maŋyzdy oqiǧany bıldıredı. Sondai-aq Prezident «Astana EKSPO-2017» halyqaralyq körmesındegı nysandardy aralap, keŋes ötkızdı.
– Bügin, 16 jeltoqsan – Täuelsizdik küni. Osydan 25 jyl būryn biz Qazaqstandy täuelsiz el dep jariialadyq. Bügingi kezdesuımızdıŋ sebebı – Astanamyzda taǧy bir monument aşaiyn dep otyrmyz. Astanany Aqmolaǧa köşirgen kezde eŋ aldymen qalanyŋ ortasy dep eski qaladaǧy alaŋdy igerdik. Odan keiin sol jaǧalauda, taqyr jerde jaŋa qala salǧanymyzda «Bäiterek» ornattyq. Ol äli künge deiin qalanyŋ simvoly bolyp kele jatyr. Halyqtyŋ barlyǧy sol jerge barǧandy, jürgendi jaqsy köredi. Odan keiin Qazaq eli degen monument ornattyq, – dedi Nūrsūltan Nazarbaev.
Elımızde Täuelsızdık mereilı mereitoilaryna bailanysty qandaida bır estelık qaldyru dästürı qalyptasqan. Mysaly azattyǧymyzǧa 5 jyl tolǧanda Almatydaǧy ortalyq alaŋda Täuelsizdik monumenti aşylǧan bolatyn. Täuelsizdiktiŋ 20 jyldyǧyna orai Qazaqstannyŋ Mäŋgilik el triumfaldyq arkasy boi köterdı.
– Biyl EKSPO-ny aşqan kezde dünie jüzınen milliondaǧan turister keletın bolady. Sonda myna monumentke qarap, Qazaqstannyŋ tarihyn tanidy. Qalamyzdyŋ tūrǧyndarynyŋ sany 3 mln bolǧan kezde körıktı oryndary köp boluy tiıs. Sondyqtan, Astanaǧa mūndai monument köptık etpeidı, – dedı Nūrsūltan Nazarbaev.
Memleket basşysy öz sözınde EKSPO qalaşyǧynyŋ şahardyŋ keskın-kelbetın aitarlyqtai özgertetının aitty. Öitkenı atalǧan qalaşyqta jaŋa audan boi köterıp, jüzdegen myŋ adam tūratyn bolady. Astana aldaǧy uaqytta odan saiyn örkendep, janǧa jaily mekenge ainalady. Elbasy 1300 päterge arnalǧan EKSPO
qalaşyǧyn, «MEGA Silk Way» oiyn-sauyq ortalyǧy ǧimaratyn, EKSPO keŋsesın jäne «Energiia zertteu ortalyǧyn» aralap kördı.
Būdan bölek ol Aljir, Qatar, Qytai, Malaiziia, Ündıstan elderınıŋ ekspozisiiasy ornalasatyn halyqaralyq pavilondarmen tanysyp, öz baǧasyn berdı. «Astana EKSPO-2017» ūlttyq kompaniiasynyŋ Basqarma Töraǧasy Ahmetjan Esımovtıŋ aituynşa, qazırgı uaqytta 112 el körmege qatysatynyn rastaǧan. Sonyŋ ışınde 104 el özderınıŋ komissarlaryn taǧaiyndady. Sondai-aq Ahmetjan Smaǧūlūly 94 kelısımge qol qoiylyp, 75 memleket ūlttyq künın ötkızu üşın naqty datany aldyn ala belgılegenın jetkızdı.
Keŋes barysynda Memleket basşysy Nūrsūltan Nazarbaev ekı jylda asa auqymdy jūmys atqarylǧanyn aitty. Äitse de, aldaǧy uaqytta atalǧan nysandardy jabdyqtap, tiıstı kadrlardy daiarlauymyz qajet. Prezident keŋes qorytyndysy boiynşa Premer-ministrge «Astana EKSPO-2017» ūlttyq kompaniiasy» aksionerlık qoǧamymen jäne Astana qalasy äkımdıgımen bırlesıp, halyqaralyq mamandandyrylǧan körme aiaqtalǧannan keiın onyŋ nysandaryn ärı qarai paidalanu mäselesın pysyqtaudy tapsyrdy. Öitkenı qalaşyq körme aiaqtalǧannan keiın halyqtyŋ igılıgıne paidalanuǧa berıledı.
Memleket basşysynyŋ aituynşa, EKSPO-2017 halyqaralyq körmesıne älemnıŋ tükpır-tükpırınen myŋdaǧan qonaq keledı. Sondyqtan da Astana nöpır halyqty joǧary deŋgeide kütıp alyp, şyǧaryp saluǧa saqadai sai boluy kerek.
Serık QŪDAIBERGENŪLY
