Elordadaǧy №3 balalar kıtaphanasynda «Täuelsız elım – tıregım» atty tarihi tanymǧa toly keş öttı.
Şaranyŋ maqsaty jas jetkınşekterdıŋ elge, jerge degen otansüigıştık sezımderın oiatudy közdegen. Oǧan qaladaǧy №15 mektep-liseiınıŋ 6 «a» synybynyŋ oquşylary qatysty. Keş barysynda elımız egemendık alǧannan bergı tarihi kezeŋder jaiynda salmaqty söz qozǧaldy. Keŋes ükımetınıŋ ozbyrlyq saiasatyna qarsy şyqqan Jeltoqsan oqiǧasynyŋ qaharmandary turaly aityldy. Täuelsızdıkke arnalǧan taqyryptyq slaid körsetıldı. Oquşylar aqyndardyŋ azattyqty tolǧaǧan jyrlaryn oqydy. Halyqtyŋ süiıktısıne ainalǧan kompozitor Eskendır Hasanǧalievtıŋ jürektı tebırentıp, adam boiyndaǧy ruhty oiatatyn «Atameken» änın şyrqady.
Sondai-aq, jetkınşekter arasynda tuǧan jer taqyrybyna arnalǧan maqal-mätel aitudan saiys öttı. Oǧan oquşylardyŋ tyŋǧylyqty daiyndalyp kelgenı baiqaldy. Bärı de babalar qaldyryp ketken naqyl sözderdı jatqa bıletındıgın körsettı.
– Täuelsızdık – eŋ asyl, qymbat ūǧym. Sondyqtan ony jas qūraqtai qaulap ösıp kele jatqan balalar bıluı qajet. Bügıngı keştıŋ basty maqsaty – osy. Ärine, qazırgı jetkınşekterdıŋ oiy ozyq. Tarihymyzdan tereŋ habardar. Barlyǧyn bılgısı, tüsıngısı keledı. Kıtap oquǧa da qūmartyp tūrady. Keştıŋ körıgın qyzdyrǧan oquşylarǧa alǧys aitamyn, – deidı kıtaphana meŋgeruşısı Maral Aqtaeva.
Şara soŋynda taǧylymdy keşke belsendı atsalysqan oquşylar men oqyrmandarǧa şaǧyn syilyqtar berılıp, täuelsızdıkke arnalǧan kıtap körmesıne şolu jasaldy.
Azamat ESENJOL
