Tyiym salynǧan jerlerge qoqys tögu elordanyŋ ekologiialyq ahualyna kerı äser etetını sözsız. Osyndai zaŋsyzdyqtardy retteu jäne aldyn alu üşın şahar basşysy Ädılbek Jaqsybekov arnaiy jūmys toptaryn qūryp, reidter jürgızudı tapsyrǧan-dy. Atalmyş şaraǧa bız de qatysyp, tazalyq mäselesıne qatysty tärtıp būzuşylyq faktılerın tekserdık.
Audan äkımdıkterı, Ekologiia departamentı, Tūtynuşylardyŋ qūqyqtaryn qorǧau departamentı, Tabiǧi resurstar jäne tabiǧat paidalanudy retteu basqarmasy, Tabiǧatty qorǧau polisiiasy, «Astana Eko-Poligon NS» jäne «Astana Tazartu» käsıporyndary ökılderımen bırge äuelı «Royal Park City» qalaşyǧyna bardyq. At şaptyrymdai ülken aumaqta tau-tau qaldyq üiulı jatyr eken. Tabiǧi resurstar jäne tabiǧat paidalanudy retteu basqarmasy basşysynyŋ orynbasary Säken İsaevtyŋ aituynşa, jer paidalanuşy öz uchaskesınıŋ sanitarlyq jaǧdaiyn baqylauǧa tiıs. Iаǧni, territoriia tolyqtai küzetılıp, naqty maqsatta igerıluı kerek.
– Kompaniia ırı käsıpkerlık subektısıne jatatyndyqtan, oǧan 200 AEK mölşerınde aiyppūl salynady jäne qysqa merzımnıŋ ışınde qoqysty äketu turaly ūiǧarym şyǧarylady, – dedı Ekologiia departamentı basşysynyŋ orynbasary Mansūr Oşyrbaev.
Reid kezınde taǧy bır tärtıpsızdıktıŋ üstınen tüstık. Osy aumaqta sūiyq tūrmystyq qaldyqtar tögetın assenizatorlyq maşina jürgızuşısı ūstalyp, ol 20 AEK, iaǧni, 42420 teŋge kölemınde jauapkerşılıkke tartyldy. Negızı, polisiia inspektorlary tūraqty türde tekserıs jürgızıp, sonyŋ nätijesınde jyl basynan berı Astana qalasynda belgılenbegen jerlerge qoqys tastaǧany üşın 28 jük kölıgı men 33 assenizatorlyq maşinany qolǧa tüsırıptı.
Būdan bölek, Toqpanov köşesınıŋ boiynda ornalasqan qūrylys nysanyna tiesılı mekennen de qoqys tabyldy. Ǧimaratty saluşy kompaniiaǧa Qazaqstan Respublikasynyŋ Äkımşılık kodeksı boiynşa protokol toltyrylyp, üiındını şyǧaruǧa uaqyt berıldı. Käsıporyndardyŋ nelıkten mūndai zaŋsyzdyqtarǧa baratynyn sūraǧanymyzda, mamandar osylaişa köp firmalardyŋ qarjy ünemdegısı keletının tüsındırdı. Mysaly, ekopoligonǧa kömıletın qoqystyŋ tonnasy üşın 3500 teŋge töleu qajet eken. Al firmalar mūndai «şyǧynnan» jaltarady.
Jalpy, qūrylys qaldyqtaryn poligonǧa aparmaityn, aparsa da uaqytyly tasymaityn firmalar jeterlık. Solardyŋ bırı – «TemırRemStroiServis» JŞS qazırgı taŋda «Astana Mall» oiyn-sauyq ortalyǧynyŋ janynda tūrǧyn üi ǧimaratyn saluda.
– Kompaniia bır aptadan artyq uaqyt boiy qūrylys barysynda jinalǧan qoqysty şyǧarmaǧan. Abattandyru erejelerıne säikes, qūrylys-montajdau jūmystarynan keiın jinalǧan qoqysty kün saiyn şyǧaru kerek, – dedı Almaty audany äkımdıgınıŋ abattandyru bölımı basşysy Ramil Dosmaǧanbetov.
Öz kezegınde «TemırRemStroiServis» JŞS uchaskesınıŋ basşysy Beiımbet Qajenov endıgärı mındetterdı mūqiiat oryndap, qūrylys qaldyqtaryn kün saiyn şyǧaryp tūruǧa uäde ettı.
Tazalyq mäselesıne selqos qaraityndardyŋ bırı – qyzmet körsetu salasymen ainalysatyn ūiymdar eken. Şaranyŋ törtınşı punktı «Astanalyq» bazarynyŋ maŋy boldy. Sabyr Rahymov köşesındegı «Ryza» dämhanasynyŋ artqy aulasyna kırgenımızde, qolqany qapqan jaǧymsyz iısten jüregımız ainydy. Baqsaq, kafe jūmysşylary artylǧan as-auqattyŋ bärın osy tūsqa tögetın körınedı.
– Osy aptadan kafe aumaǧynda senbılık ūiymdastyrǧaly jatqanbyz. Qaldyqtyŋ bärın tazalaimyz. Jūmysşylarym bılmestıkpen tökken şyǧar, – dep jauap qatty bızge dämhana iesı Qūralai İzekeeva.
Oǧan da inspektorlar tarapynan protokol toltyrylyp, tiıstı mölşerde aiyppūl salyndy.
Botagöz MARATQYZY
