«Nūr Otan» partiiasynyŋ «Jas Otan» jastar qanaty «Sättı qadam» jobasynyŋ jaŋa baǧytyn qolǧa alatynyn mälımdedı. Atalmyş ūiym endı kolledj ben universitettı tämamdaǧan jetım balalardy jūmysqa ornalastyrady.
«Jas Otan» töraǧasy Şahmardan Baimanovtyŋ aituynşa, biylǧy oqu jylyn bıtıruşılerdıŋ arasynda 3600 ören – jetım balalar. Olardyŋ 2441-ı tehnikalyq bılım alyp şyqsa, 1192-sı – joǧary oqu ornynyŋ tülekterı.
«Sättı qadam» jobasynyŋ jaŋa baǧyty boiynşa 172-den astam käsıporyn, olardyŋ ışınde «Qazaqstan temır joly», «Baian sūlu», «Oreol», «Öskemen qaǧaz zauyty», «QazPlast», «Mutlu-gips», «Pavlodar mūnai himiia zauyty» syndy kompaniialar bırlesıp jūmys ısteuge kelısıp otyr.
«Osy sanattaǧy barlyq tülekterdı qyzmetke tūrǧyzamyz dep aita almaimyz. Sebebı ärbır kompaniianyŋ öz talaptary bar. Degenmen, bız naqty qai aimaqta qandai maman qajet ekenın bılemız. Sol aqparatqa süienıp jastarǧa baǧyt beremız» deidı Ş.Baimanov. Onyŋ aituynşa, jetım balalardy tek öndırıstık oşaqtarǧa ǧana emes, basqa da käsıporyndar men mekemelerge ornalastyru mäselesı qaralatyn bolady.
Botagöz MARATQYZY
