Memleket basşysynyŋ tapsyrmasyn oryndau aiasynda Astanada Joltap jobasy ıske asyrylyp jatyr. Būl elorda tūrǧyndaryna öz tabysyn arttyruǧa mümkındık beredı. Onyŋ qatysuşylary memlekettık qoldau şaralary turaly keŋes ala alady, oqudan ötıp, özıne laiyqty jūmys taba alady.
Jobanyŋ jetekşısı, Astana äkımınıŋ keŋesşısı Dana Jünısova Joltap-tyŋ negızgı maqsattary turaly pıkır bıldırdı.
– Būl jobaǧa elorda äkımdıgı bastamaşylyq ettı jäne ony ıske asyru üşın onyŋ barlyq qūrylymdary, sondai-aq jobanyŋ bırlesken operatory bolǧan «Jaŋa mümkındık» qoǧamdyq qory jūmyldyryldy. Joltap-tyŋ negızgı maqsaty – halyqqa qoldau şaralary boiynşa keŋes beru. Jūmysqa ornalasu jäne tūraqty tabys tabu aldynda praktikalyq daǧdylardy tegın oqytudy qamtamasyz etu, sondai-aq öz ısın aşu arqyly kırıstı arttyru mümkındıkterın taŋdauǧa kömektesu. Būl jobada öŋırlerden kelgen jūmyssyzdarǧa, NEET sanatyndaǧy jastarǧa, sondai-aq halyqtyŋ äleumettık osal toptaryna kömek körsetuge erekşe nazar audarylady. Jalpy, joba tiımdı ekojüie bolyp sanalady, onda ärbır adam özıne mümkındıkter taba alady, – dedı joba jetekşısı.
Joltap jobasyna qatysuşylar 14 mamandyq boiynşa tegın oqytylady, 52 memlekettık qoldau şaralary boiynşa keŋes beredı, atauly äleumettık kömek aluǧa jäne biznes aşu üşın ötınım beruge järdemdesedı.
Joba jetekşısınıŋ aituynşa, jobanyŋ bırınşı kezeŋınde elordada adamdar köp jinalatyn oryndarda 10 «Barşaǧa mümkındık» moduldık punktı ornatylyp, ıske qosyldy. Ötken jyldyŋ qyrküiek aiynan bastap 9 myŋnan astam qala tūrǧyny osy moduldık punktterde keŋes aldy, üş myŋ adam äkımdık basqarmalaryna memlekettık qoldau şaralaryn aluǧa ötınım berdı.
Ekınşı kezeŋde qysqa merzımdı oqytudyŋ ekı baǧdarlamasy ūiymdastyryldy. Jūmys mamandyqtary boiynşa (barista, satuşy-kassir, qoǧamdyq tamaqtandyrudyŋ ämbebap qyzmetkerı, tıgınşı, sänger-konstruktor, elektr gazben dänekerleuşı) jäne sifrlyq daǧdylar (target, SMM, beinemontaj, marketpleister, mobilografiia, grafikalyq dizain, veb-dizain, negızgı sifrlyq daǧdylar).
Tıkelei moduldık punktterde keŋesşıler jūmys ısteidı, olar adamdarmen kezdesedı, olarmen tanysady jäne barlyq qyzmetter boiynşa keŋes beredı (memlekettık qoldau şaralary, oquǧa nemese jūmysqa jıberıledı). Osydan keiın ötınış beruşılermen bırge jüredı jäne olarmen bailanysta bolady.
– Oqytu barlyq qajettı zattarmen jabdyqtalǧan jekelegen oqu synyptarynda jürgızıledı. Oqytuşylar qoldanbaly täjıribesı bar bırqatar täjıribeşılerden taŋdaldy. Mysaly, «Barista» kursy 15 jyldyq täjıribesı bar bırneşe ırı kofehanalar jelısınıŋ qazırgı baristasyn, «tıgınşı» kursyn Euraziialyq Dizainerler odaǧynyŋ qūramyna kıretın qazırgı tıgınşı, al «satuşy-kassir» kursyn eldegı eŋ ırı supermarketter jelısınıŋ praktik-mūǧalımderı oqytady. «Elektrogazben dänekerleuşı» kursy boiynşa Unobtanium oqu ortalyǧymen yntymaqtastyq jolǧa qoiylǧan, ol 10 jyldan astam jūmys barysynda 100 myŋnan astam qyzmetkerdı oqytqan, – dedı Dana Jünısova.
Keşe, iaǧni 8 säuırde joba aiasynda Astanada «Buhgalterlık esep negızderı» atty jaŋa oqytu kursy bastaldy. Bır künde kurstan ötuge niet bıldıruşılerden 300 ötınım jinaldy.
Osy jyldyŋ 1 qaŋtarynan bastap 2 myŋ adam oqytyldy, jyl soŋyna deiın 10 myŋ tūrǧyndy qamtu josparlanyp otyr.
Elordada «Barşaǧa mümkındık» moduldık punktterı aşylǧan bolatyn. Olar kelesı mekenjailarda ornalasqan:
«Jastar» saraiy, Respublika daŋǧyly, 34
«Ailand» ODO, Qorǧaljyn tasjoly, 2
«Vstrecha» SÜ, Abylai han daŋǧyly, 31
«Aziia park» SOO, Qabanbai batyr daŋǧyly, 21
«Tūlpar» SO, Ş.Uälihanov köşesı, 24
«Euromall» SÜ, Qosşyǧūlūly köşesı, 23
«Mechta» SÜ, Syǧanaq köşesı, 3
«Rahmet» SÜ, Tılendiev daŋǧyly, 15
EMO, Beibıtşılık köşesı, 9
«Rahmet» SÜ, Momyşūly daŋǧyly, 10
«Janūia», Beibıtşılık köşesı, 14.
Elorda tūrǧyndary osy mekenjailarda ornalasqan «Barşaǧa mümkındık» moduldık punktterınde ūsynylatyn barlyq mümkındıkterdı paidalanu arqyly tegın oqyp, jaŋa käsıptı meŋgere alady
