Älemde 30 millionnan asa, al elımızde 142 myŋ adam būl künge deiın ǧasyr dertın jūqtyryp ülgerdı. Är el odan qal-qaderınşe qorǧanuda. Saqtanudyŋ bır joly – virustyŋ jūqqan-jūqpaǧanyn bılu arqyly aldaǧy künge qam jasau. Osy oraida QR Prezidentı Qasym-Jomart Toqaev elımızde PTR-test tapsyru qūnynyŋ köp adam üşın qymbat ekenın synaǧan. Mıne, endı «Ūlttyq ǧylymi medisinalyq ortalyq» AQ äleumettık az qamtylǧan azamattarǧa tegın test tapsyru şarasyn ötkızude.
Şara aiasynda COVID-19 infeksiiasy boiynda bar-joǧyn jylyna bır ret tegın teksertuge kımderdıŋ mümkındıgı bar? Ortalyq mamandary bergen mälımetter boiynşa, būl sanattarǧa: ŪOS ardagerlerı, basqa memleketter aumaǧyndaǧy äskeri ūrystarǧa qatysuşylar, 1,2-toptaǧy mügedekter, mügedek balalary bar otbasylar, jetım balalar jäne kämelet jasqa jetpei ata-anasynan aiyrylǧan balalar 29 jasqa tolmaǧan bolsa, jasyna qarai zeinetkerler, barlyǧy 200 adam jatady.
El medisinasynyŋ jūqpaly aurulardyŋ taraluymen küreste daiyndyq deŋgeiın arttyru üşın būl igılıktı ıske «Samruk-Kazyna Trust» äleumettık jobalardy damytu qory demeuşılık etude. Olar atalǧan ortalyqtyŋ zerthanalyq klinikasyna AutoMag-96 qūrylǧysyn aluǧa kömek berdı. Būl klinika elde koronavirus infeksiiasy örşıp, künıne PTR test tapsyru ülgılerı myŋǧa jetkende sondai jabdyqqa qatty zäru bolǧan edı. Endı ortalyqta KVİ-ge qatysty taldau jasatqan pasientter synaq nätijelerın der kezınde qoldaryna alatyn bolady.
Joǧaryda atalǧan sanattarǧa jatatyn azamattar tegın PTR-test tapsyru turaly tolyq aqparat alu üşın düisenbı men jūma künderı aralyǧynda saǧat 8.00-den 17.00-ge deiın 8 (7172) 57-76-29 bailanys nömırıne habarlassa bolady. Bır eskeretın jait, aqysyz test tapsyratyndar atalǧan sanattarǧa jatatyndyǧyn rastaityn qūjattaryn körsetulerı kerek.
Būǧan deiın QR Densaulyq saqtau ministrı Aleksei Soi PTR test arzandaitynyn jäne ol qandai somada bolatynyn aitqan edı. «Qazırgı kezde boljamdy türde 11 myŋ teŋgeden 8 900-ge deiın tömendeuı tiıs. Būl baǧytta tiıstı esep-qisap jürgızılude. Qajettı qadamdardy saladaǧy qauymdastyqtarmen, «Atameken» ŪKP-pen pysyqtap jatyrmyz» degen edı. Endı künı keşe ǧana Bäsekelestıktı qorǧau jönındegı agenttıgı «INVIVO» jäne «Olimp» zerthanalarynda PTR-testıleu qyzmetınıŋ baǧasy 9000 teŋgege deiın arzandaǧanyn habarlady. Iаǧni, klinikalyq-diagnostikalyq zerthanalarmen antimonopoliialyq komplaens aktısıne qol qoiylǧan, zerthanalar baǧalardy öz erkımen tömendetken.
