El Prezidentı N.Ä. Nazarbaevtyŋ halyqqa Joldauynda keŋ baitaq Qazaqstanymyzda jolauşylar kölıgın damytuǧa zor köŋıl bölıngen. Äue qatynasy, su kölıkterı, temır jol transporty qarqyndy damyp keledı. Ony elımızdıŋ ärbır tūrǧyny sezınedı.
Osy ülken ısterdıŋ köleŋkesınde keibır ūsaq-tüiek kemıstıkter baiqalyp qalady. Ärbır jolauşy jolda yŋǧaisyzdyqtardyŋ bolmauyn qalaidy. Taiauda poezben jol jürıp keluge tura keldı. Lugovaia stansasynyŋ aldynda saiasi qairatkerımız, qyryq tört jasynda halqymyzdyŋ keleşegı üşın küresıp jürıp, stalindık zūlmattyŋ qūrbany bolǧan Tūrar Rysqūlovtyŋ eskertkışı jolauşylardy köŋılsız qarsy alyp tūrǧandai bolyp körınedı. Jer sılkınısınen keiın jaŋa vokzal salynypty. Stansa arqyly jük poiyzdaryn eseptemegende, eluge tarta jolauşylar poiyzy ötedı. Osy ülken stansadan mynadai keleŋsızdıkterdı baiqadym. Vokzalda jolauşylar jügın saqtaityn oryn joq. Äjethanany jeke menşıkke berıp jıbergen, köbıne qūlyptauly tūrady. Kıltı kımde ekenın tabu qiyn. Jolauşylar otyratyn zaldyŋ ışınde qoqys salatyn bırde-bır jäşık joq. Vokzaldyŋ aumaǧy ülken, jolauşylardyŋ uaqytyn ötkızetın oryndar joq. Avtobustar vokzal basyna kelmeidı.
Jalpy, keiıngı uaqyttarda baiqaimyn, vagondardyŋ relsten şyǧyp ketıp audarylyp jatqandary jäne basqa da jol apattary jiılep bara jatqan siiaqty. Bız barǧan poiyz da, qaitqan poiyzymyz da osy stansaǧa keşıgıp keldı. Keŋes däuırı kezınde, erterekte temır jol qyzmetkerlerınde äskeri därejedegıdei qataŋ tärtıp bolatyn. Ärbır kemşılık tötenşe jaǧdai retınde qaralatyn. «Osynyŋ bärı tärtıptıŋ tömendegenı, jauapsyzdyqtyŋ artqanynan bolyp jatyr ma?» degen oi keledı. Älı de biletsız jolauşylardy alu tiylǧan joq siiaqty. Bız mıngen poiyzdarda jolserıktıŋ kupesınde böten 2-3 adam jürdı. Būl da jemqorlyqtyŋ bır körınısı emes pe? Oŋtüstıkke jaqyndaǧan saiyn ärtürlı tauar, ködi-södi satuşylar ersılı- qarsyly jürıp, jolauşylardyŋ mazasyn alady.
Jolauşy dıttegen jerge şarşamai jetıp, jolserıkpen jaqsy köŋıl-küimen qoştasyp jatsa, qandai tamaşa. Bıraq, bızde bärı baiaǧy, Baiǧojanyŋ taiaǧy.
Erkın Däueşūly, zeinetker
