Dostyq üiınde memlekettık tıldıŋ märtebesı men maŋyzdylyǧyn nasihattau maqsatynda «Tıl – dostyqtyŋ altyn köpırı» baiqauy öttı. QHA-nyŋ 25 jyldyǧyna orai «Ruhani jaŋǧyru» baǧdarlamasyn jüzege asyru maqsatynda Nūr-Sūltan qalasynyŋ Işkı saiasat basqarmasy jyl saiynǧy «Tıl – dostyqtyŋ altyn köpırı» atty baiqauyn ūiymdastyrdy.
Saiysqa Qazaqstan ūiǧyrlarynyŋ respublikalyq etnomädeni ortalyǧynyŋ filialy, «TAŊ» tatar-başqūrt etnomädeni ortalyǧy, «Iýnchi» düngen etnomädeni ortalyǧy, «Jaihun» qaraqalpaq etnomädeni bırlestıgı, «Lad» respublikalyq slavian qozǧalysynyŋ astanalyq filialy, «Vainah» şeşen-inguş etnomädeni ortalyǧy qatysty.
Baiqaudyŋ bırınşı kezeŋınde qatysuşylar qazaqtyŋ dästürlerınen körınıs qoidy. Ekınşı kezeŋde körermender nazaryna «Qazaqstan Halqy Assambleiasyndaǧy etnomädeni ortalyqtyŋ maŋyzy» nemese «Tıl – dostyqtyŋ altyn köpırı» taqyrybynda beinerolikter ūsynyldy. Üşınşı kezeŋde qatysuşylar Abai öleŋderın mänerlep oqydy.
«Är memlekettıŋ öz tılı bolmasa, memleket bolyp sanalmaidy. Elbasynyŋ «Öz Otanyŋnyŋ patrioty bolu – būl Qazaqstandy öz jüregıŋde ūialatu» degen sözı bar. Memleket bar jerde tıl boluy kerek. Ana tılımız –memleketımızdıŋ negızı. Tıl bar jerde mädeniet te, dıl de, saiasat ta bolady» dedı Nūr-Sūltan qalasy Işkı saiasat basqarmasynyŋ basşysy Talǧat Rahmanberdı.
Baiqau qorytyndysynda 1-oryndy «Jaihun» qaraqalpaq etnomädeni bırlestıgı, 2-oryndy «Iýnchi» düngen etnomädeni ortalyǧy, 3-oryndy Qazaqstan ūiǧyrlarynyŋ respublikalyq etnomädeni ortalyǧynyŋ filialy ielendı.
