TIL JANAŞYRLARY MARAPATTALDY

Keşe Jastar saraiynda ekı aptadan astam uaqytqa sozylǧan Qazaqstan halqy tılderınıŋ HVI festivalınıŋ jabylu saltanaty öttı.

Şara 1989 jyldyŋ 22 qyr­küiegınde elımızde tūŋǧyş qabyl­danǧan «Tıl turaly» zaŋ­nyŋ 25 jyl­dyq mereitoiymen tūspa-tūs keldı. Osyny atap ötken Astana qalasy tılderdı da­mytu basqarmasynyŋ basşysy Erbol Tıleşov sol uaqyttan berı memlekettık tıl töŋı­regınde şeşıl­mei kele jat­qan kürmeulı mäselelerdı söz qyldy. Äsırese, keibır azamatttardyŋ qazaqşa tıl syndyra almauyn qynjyla aitqan ol: «25 jylda san ūrpaq düniege keldı. Sol ke­zeŋdegı oquşy bala mektep bıtırdı, universitettı aiaqtady, aldy magistraturany tämamdady, ana-äke bolyp otyr, bıraq älı de bızdıŋ Keŋes ökımetın körmegen, Täuelsız zamanda ömır sürıp otyrǧan jas­tarymyzdyŋ arasynda özınıŋ ana tılın bılmei kele jatqandar barşylyq» dedı. Onyŋ aituynşa, Astanada qazaq ba­lalarynyŋ 15 pa­iy­zy orys mek­tep­terınde bı­lım aluda. Ata-ana­lar­dyŋ mūnysyn tüsın­bei­tındıgın jetkızgen basqarma basşysy sözın otbasylyq tärbiege äkelıp tıredı.

Bıraq, ana tılımızdıŋ üstem­dıgı üşın tynym tappai küresıp jürgen azamattar da barşylyq. Osy keşte olardyŋ bır toby tıl janaşyrlary retınde qala äkı­mınıŋ Alǧys hattarymen marapattaldy. Solardyŋ bırı – negızgı mamandyǧy därıger bolsa da, qazaq tılı degende şyr-pyr bolatyn, bır jerden qate körse tözbestık tanytatyn Mūhambediia Ahmet-Töre. Mūhambediia aǧamyz qazaqşa-orysşa, orysşa-qazaqşa medisinalyq sözdıkterdıŋ avtory, özı qyzmet ısteitın Astana medisina universitetınde toǧyz qyzmetkerden jasaqtalǧan tıl basqarmasyn aşqan adam. Odan bölek qala basşysy tarapynan Qarlyǧaş Sarekenova, Svetlana Süleimenova, İbrahim Manarbek, Gauhar Erenbaeva, Erjan Eŋsebaev syndy azamattardyŋ, «Narujka kz» JŞS-nıŋ eŋbegı elendı.

Qalalyq Tılderdı damytu bas­qarmasy da öz tarapynan memle­kettık tıl töŋıregınde belsendı ıs atqaryp jürgenderdı elep-eskerdı. Olardyŋ qatarynan Almaty au­da­nynyŋ äkımı Bekbol Saǧyn, Mūraǧattar jäne qūjattamalar bas­qarmasynyŋ basşysy Alma Şohaeva, osy keşte än salǧan belgılı änşıler Dosymjan Taŋatarov pen Marjan Arapbaeva tabyldy.

Amanǧali ŞMİTŪLY