Saryarqa audandyq ardagerler keŋesınıŋ qūrylǧanyna biyl – 10 jyl. Osyǧan bailanysty audandyq ardagerler keŋesınıŋ töraǧasy Ebenǧappas Ahmetovpen sūhbattasqan edık.
– Audandyq ardagerler keŋesı qalai qūrylyp edı?
– Qoǧamymyzda zeinetkerler men soǧys ardagerlerıne qamqorlyqtyŋ qajettıgın eskergen audandyq äkımdık, 2004 jyldyŋ 21 säuırınde Saryarqa audandyq ardagerler keŋesın qūrudy qolǧa aldy. Osy jerde keŋestı alǧaş qūrysqandardyŋ esımderın atamai ketuge bolmaidy. Sol kezdegı Saryarqa audany äkımınıŋ orynbasary, qazırde QR Parlamentı Mäjılısınıŋ deputaty Orazgül Asanǧazy, Astana qalalyq ardagerler keŋesı töraǧasynyŋ orynbasary Säken Tūrsynbekov, Sosialistık Eŋbek Erı, qazırde Köktaldaǧy ardagerler keŋesınıŋ töraiymy, respublikalyq ardagerler keŋesı Prezidiumynyŋ müşesı Saǧila Esenjolova, respublikalyq ardagerler keŋesınen Vladimir Molojavyi, partiia jäne keŋes qyzmetkerlerı Roza Asylbekova, Anna Danilenko audandyq ardagerlerınıŋ keŋesın qūryp, 87 delegattyŋ bırauyzdy dauysymen onyŋ alǧaşqy töraǧasy etıp Sapar Mūstafindı sailaǧan edı.
Bügıngı taŋda audandyq ardagerler keŋesınıŋ janynda 124 bırlestık bar. Jalpy, Saryarqa audanynda 25 000 zeinetker tırkelgen. Ūly Otan soǧysyna qatysqan 103 ardagerımız, sonymen qatar ardager jurnalisterımız ben jazuşylarymyz da bar.
– Soǧys ardagerlerımen bailanystaryŋyz qandai?
– İä, adamzat tarihyndaǧy sūrapyl soǧys qazaq halqyna da qasıretın tigızbei qoimady. Qanşama jauyngerlerımız tuǧan jerıne oralmai, jau qolynan qaza tapty. Qanşama otbasy äkelerı men balalarynan aiyrylyp, japa şektı. Ūly Otan soǧysynyŋ ardagerlerı sonyŋ kuäsı ǧana bolǧan joq, jeŋıs üşın qasyq qany men jandaryn aiamai faşistermen şaiqasty. Sol jyldarda Qazaqstannan Ūly Otan soǧysyna 1 million 700 myŋnan asa jauynger maidanǧa attandy. Aqmola oblysynan 63 myŋ jauynger attansa, onyŋ 34 myŋy oralmaǧan. Ol jeŋıs, ärine, bırlıktıŋ arqasynda keldı. Qanşama ūlt ökılı, bır tudyŋ astyna bırıkken halyq bar küşın salyp, osy qandy qyrǧynda jeŋıp şyqty. Sol bır sūrapyl soǧysty körgen qart jauyngerlerımız ben elde qalǧan tyl maidangerlerı şyn mänısınde otanyn süigen patriot jandar edı, ömırge degen közqarastary da erekşe boldy. Olar älı de Qazaq elı üşın eŋbek etıp, ärtürlı şaralarǧa qatysyp, bügıngı jastarǧa ülgı-önege körsetude.
Audan ardagerlerı jyl saiyn Astanada ötkızıletın senbılıkterge qatysyp, elordamyzdyŋ güldenıp-körkeiuıne üles qosumen bırge, aituly merekelerge orai ūiymdastyrylatyn mazmūndy da qyzyqty şaralarǧa qūrmettı qonaq retınde şaqyrylady. Sondai-aq, ardagerler Elbasynyŋ jyl saiynǧy Qazaqstan halqyna arnaǧan Joldauyn talqylauǧa belsene atsalysady.
Aramyzda önerlı ardagerler de köp. Keŋes janynan dombyra-folkloryq ansamblın qūrǧan Kenjetai Janūzaqovanyŋ qasynda nebır önerlı, zeinet jasyndaǧy apalarymyz jür. Ol kısı audandyq ardagerler keŋesı janynan şahmatşylar klubyn da ūiymdastyrǧan bolatyn, özı – sol şahmat komandasynyŋ kapitany. Olar Esıl audanynda ötken qalalyq şahmat turnirınde kubok jeŋıp aldy.
«Tört ūrpaq ökılınıŋ kezdesuı» atty mädeni şarany da erekşe atap aituǧa bolady. Astanaǧa Stolypin kezınde jer audarylyp kelgender men qalanyŋ örkendeuıne üles qosqandar, Ūly Otan soǧysyna qatysqandar jäne tyŋ igeruşılermen bolǧan būl kezdesu öte mazmūndy öttı. Ardaqty aǧa buyn ökılderı, sondai-aq, «Qazaqstan» konsert zaly jäne basqa da mädeni oşaqtardaǧy merekelerge, körme zaldary men muzeilerge qūrmettı qonaq retınde şaqyrylyp tūrady.
Keŋes jūmysyn ūiymdastyru men qandai da bır merekelık şarany ötkızu üşın qarajat kerek ekenı belgılı. Mıne, osy oraida belsendı zeinetkerler zyryldap jürıp demeuşı ızdeidı. Sondai adamdardyŋ attaryn aityp ötu – bızge mındet. Olar – Sara İnerbaeva men Galina Mūhtarova. Solardyŋ ūiymdastyrumen Oraza aity men Qūrban aity, Halyqaralyq äielder merekesı ötkızıldı.
– Ardagerlerdı emdeu-sauyqtyru oryndaryna jıberıp tūruǧa mümkındıkter qarastyrylǧan ba?
– Soǧys ardagerlerınıŋ eŋ jasy – bügınde 90-dy alqymdap qalǧandar. Bıren-sarany bolmasa, olardyŋ el aralap, kurorttarǧa baruǧa jaǧdailary joq. Sondyqtan, olarǧa bar mümkındık üide jasalyp jatyr. Ekı jyl boldy, bızdıŋ audan zeinetkerlerı, negızınen belsendılerımız Taitöbedegı «Nūra» demalys üiıne tegın joldama alyp jür. Biyl bızdıŋ audannan 45 adam sol jerge baryp, 10 kün demalyp qaitty.
Bız ötkızıp jatqan qandai şaraǧa bolsyn audan äkımşılıgı ünemı kömektesıp otyrady. Sol üşın de olarǧa alǧysymyz şeksız. Bızdıŋ ūiymymyzda Galina Slepsovanyŋ basqaruymen qūrylǧan ardagerlerdıŋ densaulyǧyn saqtau komissiiasy jūmys ısteidı. On bes medisinalyq mekeme janynan qūrylǧan būl komissiia ardagerlerdıŋ tısın saldyruǧa tegın joldama alyp berude. Medisinalyq kömek sūraǧan adamdarǧa komissiia kez kelgen emhana, auruhanalarmen bailanys jasap, mäselelerın şeşıp, qol ūşyn berude. Osy oraida qaladaǧy №4 emhana ardagerlerge jaqsy qyzmet körsetıp otyr. Olar üşın jeke bölım de aşyp qoiǧan. Jalpy, audanymyzdyŋ ardagerlerı qai jaǧynan alyp qarasaq ta qamqorlyq qūşaǧynda.
