Qazaqstan Prezidentı Ūjymdyq qauıpsızdık şart ūiymy Ūjymdyq qauıpsızdık keŋesınıŋ Astanada ötken sessiiasynyŋ qorytyndysy boiynşa baspasöz mäslihatyn ötkızdı.
Memleket basşysy būqaralyq aqparat qūraldarynyŋ ökılderı aldynda söilegen sözınde Ūjymdyq qauıpsızdık şart ūiymynyŋ Ūjymdyq qauıpsızdık keŋesı aiasyndaǧy kezdesulerdıŋ dostyq ärı syndarly sipatta ötkenın atap öttı.
– Bız memleketterımızdıŋ qauıpsızdıktı nyǧaitu jolyndaǧy özara ıs-qimylynyŋ barlyq derlık mäselelerın qarastyrdyq. Ūjymdyq qauıpsızdık şart ūiymyn damytudyŋ negızgı baǧyttary, sondai-aq halyqaralyq jäne öŋırlık saiasattyŋ özektı problemalary jönınde syndarly pıkır almastyq. Qazaqstannyŋ Ūjymdyq qauıpsızdık şart ūiymyna töraǧalyq etuıne orai basymdyqtardyŋ qalai ıske asqanyn qorytyndyladyq, – dedı Elbasy.
Nūrsūltan Nazarbaev Ūjymdyq qauıpsızdık şart ūiymyna müşe memleketter tarapynan Qazaqstannyŋ osy halyqaralyq ūiymǧa töraǧalyq etuı kezınde atqarǧan jūmystaryna joǧary baǧa berılgenın atap öttı.
Sonymen qatar, Qazaqstan Prezidentı Ūjymdyq qauıpsızdık şart ūiymy aiasyndaǧy yntymaqtastyqty odan ärı nyǧaituǧa jäne ūjymdyq qauıpsızdıktı qamtamasyz etu tetıkterın jetıldıruge baǧyttalǧan maŋyzdy şeşımderdıŋ qabyldanǧany jönınde aitty.
Qazaqstan Prezidentı sessiia qorytyndysy boiynşa Zaŋsyz migrasiiaǧa qarsy tūru jüiesın damytu jönındegı ıs-qimyl jospary jäne Ūjymdyq qauıpsızdık şart ūiymyna müşe elderdıŋ müddesı üşın üilestırılgen aqparattyq saiasatty damytu jönındegı ıs-şaralar jospary bekıtılgenın aitty.
Nūrsūltan Nazarbaev sözınıŋ soŋynda BAQ ökılderıne kelesı sessiiaaralyq kezeŋde Ūjymdyq qauıpsızdık şart ūiymyna Qyrǧyz Respublikasynyŋ töraǧa bolatynyn mälımdedı. Memleket basşysy Ūjymdyq qauıpsızdık şart ūiymyna Qyrǧyz Respublikasynyŋ joǧary deŋgeide töraǧalyq etetınıne jäne osy ūiymnyŋ odan ärı jan-jaqty damuyna zor üles qosatynyna senım bıldırdı.
