Keşe Astanada köşe jaryqtandyruǧa arnalǧan innovasiialyq baǧanalardy jasap şyǧaratyn elımızdegı tūŋǧyş zauyt ıske qosyldy.
Baǧanalar Resei men Qytaidan tasymaldanatyn şyny plastik pen poliefirlı şaiyrdyŋ qospasynan jasalady eken. Mamandardyŋ aituynşa, mūndai materialdardan jasalatyn önımder elımızde alǧaş ret şyǧarylyp otyr. Atalmyş zauyt aldaǧy uaqytta tek baǧana ǧana emes, diametrı 120 sm bolatyn kärız jüielerınıŋ qūbyrlary men mūnai öndırude qoldanylatyn sūiyq otyndy sisternalardy da jasaudy qolǧa almaq. Mūndaǧy reseilık tehnologiianyŋ erekşelıgı – önımdı iılgış nemese qatty qylyp daiyndauǧa qauqarly.
– Temır baǧanalarǧa qaraǧanda mūnyŋ artyqşylyǧy – ekologiialyq tazalyǧynda. Iаǧni bızdıŋ önımderdıŋ qorşaǧan ortaǧa ziiany joq. Ärı jöndeuge de öte yŋǧaily bolady. Qazırgı uaqytta elımızdıŋ jäne Reseidıŋ bırqatar qūrylys kompaniialarymen kelısımşartqa otyryp jatyrmyz. Önım bolaşaqta Qazaqstannyŋ barlyq öŋırlerı men alys-jaqyn şetelderge de eksporttalady dep josparlap otyrmyz, – deidı «Maxvidl» JŞS direktory Ashat Rahymov.
Zauyttyŋ aşylu saltanatyna İnvestisiia jäne käsıpkerlıktı damytu basqarmasy basşysynyŋ orynbasary Erlan Bekmūrzaev pen reseilık «Maşspesstroi» kompaniialar tobynyŋ bas direktory Oleg Şakelin qatysty. Ashat Rahymov meimandardy özderınıŋ jūmysymen tanystyrdy. Zauytta jylyna 10 myŋ dana önım jasalmaq. Qazırgı uaqytta mūnda 40 şaqty adam jūmyspen qamtylǧan. Olardyŋ ortaşa jalaqysy – 120-150 myŋ teŋge.
