Elordada tötenşe jaǧdai rejimın būzǧany üşın 64 adam jauapkerşılıkke tartyldy.
Osy saǧatta el astanasynda jaǧdai tūraqty. Qūqyq qorǧau organdary qoǧamdyq tärtıp pen azamattardyŋ qauıpsızdıgın tiıstı deŋgeide qorǧaudy qamtamasyz etude. Nūr-Sūltandaǧy jaǧdai baqylauda. Täulık boiy alty blokbekette küdıktı adamdardy jäne tyiym salynǧan zattardy anyqtau üşın kölık qūraldarynyŋ qozǧalysy tekserılıp jatyr.
Tötenşe jaǧdai rejimı jariialanǧan sätten bastap memlekettık organ belgılegen talaptardy oryndamaudyŋ 64 deregı tırkeldı. Kınälılerge qatysty sot şeşım qabyldaidy.
Elorda aumaǧynda kriminogendık jaǧdaidy tūraqtandyru, qoǧamdyq tärtıptı, jol qauıpsızdıgın qamtamasyz etu jäne tötenşe jaǧdai kezınde qylmystardyŋ aldyn alu jäne jolyn kesu maqsatynda «Qūqyqtyq tärtıp» jedel aldyn alu ıs-şarasy ötude.
Osyǧan bailanysty aulalardy jäne päterlerdı aralau, elordaǧa zaŋsyz kelgen nemese tūryp jatqan şetel azamattaryn tekseru jürgızılude.
Bır täulıkte qalada 13 qylmys tırkeldı. 62 jol-kölık oqiǧasy boldy, jaraqat alǧandar joq. Mas küiınde kölık jürgızgenı üşın 1 jürgızuşı ūstaldy.
«Qūqyqtyq tärtıp» jedel aldyn alu ıs-şarasy aiasynda 311 äkımşılık qūqyq būzuşylyq anyqtaldy, onyŋ ışınde 111-ı – qalada tūru erejelerın būzu, 37-sı – qoǧamdyq oryndarda spirttık ışımdıkterdı ışu jäne 47-sı – köşı-qon zaŋnamasyn būzu.
Polisiia qyzmetkerlerı Sembinov köşesınde ornalasqan «Gastrobar» äkımşılıgınıŋ komendanttyq saǧatty būzu faktısın anyqtady.
«Qalada tynyştyq pen tärtıptı saqtap, belgılengen komendanttyq saǧat rejimın būzbaŋyzdar. Kez kelgen qūqyqqa qarsy äreketter üşın qataŋ jauapkerşılık qarastyrylǧan» dedı elorda komendanty Erjan Sädenov.
Uchaskelık polisiia inspektorlary qatysuymen jalǧa berıletın 239 päter, 597 barak tiptı tūrǧyn üi jäne 76 hostel tekserıldı. Elordada bolu zaŋdylyǧyn tekseru üşın polisiiaǧa 161 şeteldık azamat jetkızıldı.
Būl künderı köptegen tūrǧyndar tüsınıstık tanytyp, qoldau körsetude. Azamattar poliseilerge alǧys bıldırıp, köşede qyzmet etıp jürgen tärtıp saqşylaryna ystyq şai men tamaq äkelude.
